________________
सतं-७, वग्गो- ,सत्तंसतं- , उद्देसो-८
पढमसते चउत्थे उद्देसए तहा भाणियव्वं जाव अलमत्थ।
[३६६] से णूणं भंते! हत्थिस्स य कुंथुस्स य समे चेव जीवे? हंता, गोयमा! हत्थिस्स य कुंथुस्स य एवं जहा रायपसेणइज्जे जाव खुड्डियं वा, महालियं वा, से तेणठेणं गोयमा! जाव समे चेव जीवे।
[३६७]नेरइयाणं भंते! पावे कम्मे जे य कडे, जे य कज्जति, जे य कज्जिस्सति सव्वे से दुक्खे? जे निज्जिपणे से णं सुहे? हंता, गोयमा! नेरइयाणं पावे कम्मे जाव सुहे।
एवं जाव वेमाणियाणं।
[३६८]कति णं भंते! सण्णाओ पण्णताओ? गोयमा! दस सण्णाओ पण्णताओ, तं जहाआहारसण्णा, भयसण्णा, मेणसण्णा, परिग्गहसण्णा, कोहसण्णा, माणसण्णा, मायासण्णा, लोभसण्णा, ओहसण्णा, लोगसण्णा।
एवं जाव वेमाणियाणं।
नेरइया दसविहं वेयणं पच्चणुभवमाणा विहरंति, तं जहा-सीतं उसिणं खुहं पिवासं कंई परज्झं जरं दाहं भयं सोगं।
[३५९]से नूणं भंते! हत्थिस्स य कुंथुस्स य समा चेव अपच्चक्खाणकिरिया कज्जति? हंता, गोयमा! हत्थिस्स य कुंथुस्स य जाव कज्जति।
से केणठेणं भंते! एवं वुच्चइ जाव कज्जति? गोयमा! अविरतिं पडुच्च। से तेणठेणं जाव कज्जति।
[३७०]आहाकम्म णं भंते! भुंजमाणे किं बंधति? किं पकरेति? किं चिणाति? किं उवचिणाति? एवं जहा पढमे सते नवमे उद्देसए तहा भाणियव्वं जाव सासते पंडिते, पंडितत्तं असासयं। सेवं भंते! सेवं भंते! ति.!
*सतम सए अट्ठमो उहेसो समतो.
0 नवमो उद्देसो [३७१]असंवुडे णं भंते! अणगारे बाहिरए पोग्गले अपरियादिइत्ता पभू एगवण्णं एगरूवं विठवित्तए? णो इणटठे समटठे।
असंवुड़े णं भंते! अणगारे बाहिरए पोग्गले परियादिइत्ता पभू एगवण्णं एगरूवं जाव हंता, पभू।
से भंते! किं इहगते पोग्गले परियादिइत्ता विउव्वइ? तत्थगए पोग्गले परियादिइत्ता विउव्वइ? अन्नत्थगए पोग्गले परियादिइत्ता विठव्वइ? गोयमा! इहगए पोग्गले परियादिइत्ता विकुव्वइ, नो तत्थगए पोग्गले परियादिइत्ता विकुव्वइ, नो अन्नत्थगए पोग्गले जाव विकुव्वइ।
एवं एगवण्णं अणेगरूवं चउभंगो जहा छट्ठसए नवमे उद्देसए तहा इहावि भाणियव्वं। नवरं अणगारे इहगए इहगए चेव पोग्गले परियादिइत्ता विकव्वइ। सेसं तं चेव जाव लुक्खपोग्गलं निद्धपोग्गलताए परिणामेतए? हंता, पभू।
से भंते! किं इहगए पोग्गले परियादिइत्ता जाव नो अन्नत्थगए पोग्गले परियादिइत्ता
[दीपरत्नसागर संशोधितः]
[133]
[५-भगवई
