Page Text
________________
सतं-७, वग्गो- सत्तंसतं- , उद्देसो-७
से तेणढेणं जाव भोगी वि। अवसेसा जहा जीवा जाव वेमाणिया।
एतेसि णं भंते! जीवाणं कामभोगीणं, नोकामीणं, नोभोगीणं, भोगीण य कतरे कतरेहिंतो जाव विसेसाहिया वा? गोयमा! सव्वत्थोवा जीवा कामभोगी, नोकामी नोभोगी अणंतगुणा, भोगी अणंतगुणा।
[३६३] छठमत्थे णं भंते ! मणुस्से जे भविए अन्नयरेसु देवलोएसु देवत्ताए उववज्जित्तए, से
नूणं भंते! से खीणभोगी नो पभू उट्ठाणेणं कम्मेणं बलेणं वीरिएणं पुरिसक्कारपरक्कमेणं विठलाई भोग- भोगाई भुंजमाणे विहरित्तए, से नूणं भंते! एयमझें एवं वयह? गोयमा! णो इणढे समठे, पभू णं से उट्ठाणेण वि कम्मेण वि बलेण वि वीरिएण वि पुरिसक्कारपरक्कमेण वि अन्नयराइं विपुलाई भोगभोगाई भुजंमाणे विहरित्तए, तम्हा भोगी, भोगे परिच्चयमाणे महानिज्जरे महापज्जवसाणे भवति।
आहोहिए णं भंते! मणुस्से जे भविए अन्नयरेसु देवलोएस., एवं चेव जहा छउमत्थे जाव महापज्जवसाणे भवति।
परमाहोहिए णं भंते! मणुस्से जे भविए तेणं चेव भवग्गहणेणं सिज्झित्तए जाव अंतं करेत्तए, से नूणं भंते! से खीणभोगी. सेसं जहा छठमत्थस्स।
केवली णं भंते! मणूसे जे भविए तेणं चेव भवग्गहणेणं. एवं चेव जहा परमाहोहिए जाव महापज्जवसाणे भवति।
[३६४]जे इमे भंते! असण्णिणो पाणा, तं जहा-पुढविकाइया जाव वणस्सतिकाइया छट्ठा य एगइया तसा, एते णं अंधा मुढा तमं पविटठा तमपडलमोहजालपलिच्छन्ना अकामनिकरणं वेदणं वत्तव्वं सिया? हंता, गोयमा! जे इमे असण्णिणो पाणा जाव वेदणं वेदेंतीति वत्तव्वं सिया।
अत्थि णं भंते! पभू वि अकामनिकरणं वेदणं वेदेति? हंता, गोयमा! अत्थि।
कहं णं भंते! पभू वि अकामनिकरणं वेदणं वेदेति? गोतमा! जे णं णोपभू विणा पदीवेणं अंधकारंसि रूवाइं पासित्तए, जे णं नोपभू पुरतो रूवाइं अणिज्झाइत्ताणं पासित्तए, जे णं नोपभू मग्गतो रूवाई अणवयक्खित्ताणं
__ पासित्तए, जे णं नोपभू पासतो रूवाई अणवलोएताणं पासित्तए, जे णं नोपभू उड्ढरूवाई अणालोएताणं पासित्तए, जे णं नोपभू अहे रूवाई अणालोएताणं पासित्तए, एस णं गोतमा! पभू वि अकामनिकरणं वेदणं वेदेति।।
अत्थि णं भंते! पभू वि पकामनिकरणं वेदणं वेदेति? हंता, अत्थि।
कहं णं भंते! पभू वि पकामनिकरणं वेदणं वेदेति? गोयमा! जे णं नोपभू समुदस्स पारं गमित्तए, जे णं नोपभू समुदस्स पारगताई रूवाई पासित्तए, जे णं नोपभू देवलोगं गमित्तए, जे णं नोपभू देवलोगगताई रूवाइं पासित्तए एस णं गोयमा! पभू वि पकामनिकरणं वेदणं वेदेति। सेवं भंते! सेवं भंते! ति.।
*सत्तमसए सत्तमो उद्देसओ समतो.
अट्ठमो उद्देसो 0 [३६५]छउमत्थे णं भंते! मणूसे तीयमणंतं सासयं समयं केवलेणं संजमेणं एवं जहा
[दीपरत्नसागर संशोधितः]
[132]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |