Page Text
________________
सतं - ७, वग्गो, सत्तंसत्तं-, उद्देसो-७
० सत्तमो उद्देसो ०
[३६१]संवुडस्स णं भंते! अणगारस्स आउत्तं गच्छमाणस्स जाव आउत्तं तुयट्यमाणस्स, आत्तं वत्थं पडिग्गहं कंबलं पायपुंछणं गिण्हमाणस्स वा निक्खिवमाणस्स वा, तस्स णं भंते! किं इरियावहिया किरिया कज्जति ? संपराइया किरिया कज्जति ? गोतमा ! संवुडस्स णं अणगारस्स जाव तस्स णं इरियावहिया किरिया कज्जति, णो संपराइया किरिया कज्जति ।
सेकेणट्ठेणं भंते! एवं वुच्चइ 'संवुडस्स णं जाव नो संपराइया किरिया कज्जति' ? गोयमा ! जससणं कोह- माण- माया-लोभा वोच्छिन्ना भवंति तस्स णं इरियावहिया किरिया कज्जति तहेव जाव उस्सुत्तं रीयमाणस्स संपराइया किरिया कज्जति से णं अहासुत्तमेव रीयति; से तेणट्ठेणं गोतमा ! जाव नो संपराइया किरिया कज्जति ।
[३६२] रूवी भंते! कामा? अरूवी कामा? गोयमा ! रूवी कामा णो अरूवी कामा । सचित्ता भंते! कामा? अचित्ता कामा? गोयमा ! सचित्ता वि कामा, अचित्ता वि कामा । जीवा भंते! कामा? अजीवा कामा? गोतमा ! जीवा वि कामा, अजीवा विकामा । जीवाणं भंते! कामा? अजीवाणं कामा? गोयमा ! जीवाणं कामा, नो अजीवाणं कामा। कतिविहा णं भंते! कामा पण्णत्ता ? गोयमा ! दुविहा कामा पण्णत्ता, तं जहा-सद्दा य, रूवा य। रूवी भंते! भोगा? अरूवी भोगा? गोयमा ! रूवी भोगा, नो अरूवी भोगा ।
सचित्ता भंते! भोगा? अचित्ता भोगा? गोयमा ! सचित्ता वि भोगा, अचित्ता वि भोगा ।
जीवा भंते! भोगा?. पुच्छा। गोयमा ! जीवा वि भोगा, अजीवा वि भोगा ।
जीवाणं भंते! भोगा? अजीवाणं भोगा? गोयमा ! जीवाणं भोगा, नो अजीवाणं भोगा । कतिविहा णं भंते! भोगा पण्णत्ता? गोयमा ! तिविहा भोगा पण्णत्ता, तं जहा गंधा, रसा, फासा । कतिविहा णं भंते! कामभोगा पण्णत्ता? गोयमा ! पंचविहा कामभोगा पण्णत्ता, तं जहा सद्दा
रुवा गंधा रसा फासा ।
जीवाणं भंते! किं कामी ? भोगी? गोयमा ! जीवा कामी वि, भोगी वि।
से केणट्ठेणं भंते! एवं वुच्चति जीवा कामी वि, भोगी वि' ? गोयमा ! सोइंदिय चक्खिंदियाई पडुच्च कामी, घाणिंदिय - जिब्भिंदिय - फासिंदियाइं पडुच्च भोगी । से तेणट्ठेणं गोयमा ! जाव भोगी वि।
नेरइया णं भंते! किं कामी ? भोगी? एवं चेव ।
एवं जाव थणियकुमारा ।
पुढविकाइयाणं पुच्छा। गोयमा ! पुढविकाइया नो कामी, भोगी ।
से केणट्ठेणं जाव भोगी? गोयमा ! फासिंदियं पडुच्च, से तेणट्ठेणं जाव भोगी ।
एवं जाव वणस्सतिकाइया ।
बेइंदिया एवं चेव । नवरं जिब्भिंदिय- फासिंदियाई पडुच्च ।
तेइंदिया वि एवं चेव । नवरं घाणिंदिय जिब्भिंदिय - फासिंदियाइं पडुच्च ।
चउरिंदियाणं पुच्छा। गोयमा ! चउरिंदिया कामी वि भोगी वि। से केणट्ठेणं जाव भोगी वि? गोयमा! चक्खिंदियं पडुच्च कामी, घाणिदिय जिब्भिंदिय - फासिंदियाइं पडुच्च भोगी ।
[दीपरत्नसागर संशोधितः ]
[131]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |