________________
सतं-७, वग्गो- ,सत्तंसतं- , उद्देसो-२
सेसा अपच्चक्खाणी जाव वेमाणिया।
एतेसि णं भंते! जीवाणं सव्वुत्तरगुणपच्चक्खाणी., अप्पाबहुगाणि तिण्णि वि जहा पढमे दंडए जाव मणूसाणं।
जीवा णं भंते ! किं संजता? असंजता? संजतासंजता? गोयमा! जीवा संजया वि., तिण्णि वि,
एवं जहेव पण्णवणाए तहेव भाणियव्वं जाव वेमाणिया। अप्पाबगं तहेव तिण्ह वि भाणियव्वं।
जीवा णं भंते! किं पच्चक्खाणी? अपच्चक्खाणी? पच्चक्खाणापच्चक्खाणी? गोतमा! जीवा पच्चक्खाणी वि, एवं तिण्णि वि।
एवं मणुस्साण वि। पंचिंदियतिरिक्खजोणिया आदिल्लविरहिया। सेसा सव्वे अपच्चक्खाणी जाव वेमाणिया।
एतेसि णं भंते! जीवाणं पच्चक्खाणीणं जाव विसेसाहिया वा? गोयमा! सव्वत्थोवा जीवा पच्चक्खाणी, पच्चक्खाणापच्चक्खाणी असंखेज्जगुणा, अपच्चक्खाणी अणंतगुणा।
पंचेंदियतिरिक्खजोणिया सव्वत्थोवा पच्चक्खाणापच्चक्खाणी, अपच्चक्खाणी असंखेज्जगुणा।
मणुस्सा सव्वत्थोवा पच्चक्खाणी, पच्चक्खाणापच्चक्खाणी संखेज्जगुणा, अपच्चक्खाणी असंखेज्जगुणा।
[३४४]जीवा णं भंते! किं सासता? असासता? गोयमा! जीवा सिय सासता, सिय असासता।
से केणठेणं भंते! एवं वुच्चइ जीवा सिय सासता, सिय असासता'? गोतमा! दव्वट्ठताए सासता, भावठ्ठयाए असासता। से तेणठेणं गोतमा! एवं वुच्चइ जाव सिय असासता।
नेरइया णं भंते! किं सासता? असासता? एवं जहा जीवा तहा नेरइया वि। एवं जाव वेमाणिया जाव सिय असासता। सेवं भंते! सेवं भंते। ति.।
*सत्तम सए बिडओ उडेसो समतो.
0 तइओ उद्देसो 0 [३४५]वणस्सतिकाइया णं भंते! कं कालं सव्वप्पाहारगा वा सव्वमहाहारगा वा भवंति, तदाणंतरं च णं हेमंते, तदाणंतरं च णं वसंते, तयाणंतरं च णं गिम्हे। गिम्महासु णं वणस्सतिकाइया सव्वप्पाहारगा भवंति।
जति णं भंते! गिम्हासु वणस्सइकाइया सव्वप्पाहारगा भवंति, कम्हा णं भंते! गिम्हासु बहवे वणस्सतिकाइया पत्तिया पुफिया फलिया हरितगरेरिज्जमाणा सिरीए अतीव अतीव उवसोभेमाणा उवसोभेमाणा चिट्ठति? गोयमा! गिम्हासु णं बहवे उसिणजोणिया जीवा य पुग्गला य वणस्सतिकाइयत्ताए वक्कमति विठक्कमति चयंति उववज्जंति, एवं खलु गोयमा! गिम्हास बहवे वणस्सतिकाइया पत्तिया पुप्फिया जाव चिट्ठति।
[३४६]से नूणं भंते! मूला मूलजीवफुडा, कंदा कंदजीवफुडा जाव बीया बीयजीवपुडा? हंता,
[दीपरत्नसागर संशोधितः]
[125]
[५-भगवई
