________________
सतं-६, वग्गो - ,सत्तंसत्तं- , उद्देसो-८
एवं हेट्ठिल्लासु सव्वासु देवो एक्को पकरेति। अत्थि णं भंते! सोहम्मीसाणाणं कप्पाणं अहे गेहा इ वा २? नो इणठे समठे। अत्थि णं भंते!० उराला बलाया? हंता, अत्थि। देवो पकरेति, असुरो वि पकरेइ, नो नाओ पकरेइ। एवं थणियसद्दे वि।
अत्थि णं भंते!० बादरे पुढविकाए, बादरे अगणिकाए? नो इणठे समठे, नऽन्नत्थ विग्गहगतिसमावन्नएणं।
अत्थि णं भंते! चंदिम० ? णो इणढे समठे। अत्थि णं भंते! गामा इ वा० ? णो इणढे स०। अत्थि णं भंते! चंदाभा ति वा २ ? गोयमा! णो इणठे समठे। एवं सणंकुमार-माहिंदेसु, नवरं देवो एगो पकरेति। एवं बंभलोए वि। एवं बंभलोगस्स उवरिं सव्वहिं देवो पकरेति। पुच्छियव्वे य बादरे आउकाए, बादरे तेउकाए, बायरे वणस्सतिकाए। अन्नं तं चेव। गाहा[३१४] तमुकाए कप्पपणए अगणी पुढवी य, अगणि पुढवीसु।
आऊ-तेउ-वणस्सति कप्पुवरिम-कण्हराईसु ।। [३१५]कतिविहे णं भंते! आउयबंधे पण्णते? गोयमा! छव्विहे आठयबंधे पण्णत्ते, तं जहाजातिनामनिहत्ताउए गतिनामनिहत्ताउए ठितिनामनिहत्ताउए ओगाहणानामनिहत्ताउए पदेसनामनिहत्ताउए अणुभागनामनिहत्ताउए।
एवं दंडओ जाव वेमाणियाणं।
जीवा णं भंते! किं जातिनामनिता गतिनामनिहत्ता जाव अणुभागनामनिहता? गोतमा! जातिनामनिहत्ता वि जाव अणुभागनामनिहता वि।
दंडओ जाव वेमाणियाणं।
जीवा णं भंते! किं जातिनामनिहत्ताउया जाव अणुभागनामनिहत्ताउया? गोयमा! जातिनामनिहत्ताउया वि जाव अणुभागनामनिहत्ताउया वि।
दंडओ जाव वेमाणियाणं।
एवमेए द्वालस दंडगा भाणियव्वा-जीवा णं भंते! किं जातिनामनिहत्ता, जातिनामनिहत्ताउया, जीवा णं भंते! किं जातिनामनिउत्ता, जातिनामनिउत्ताउया., जातिगोयनिहत्ता, जातिगोयनिहत्ताउया, जातिगोत्तनिउत्ता, जातिगोत्तनिउत्ताउया, जातिणामगोत्तनिहत्ता, जातिणामगोयनिहत्ताउया, जातिणामगोयनिठत्ता, जीवा णं भंते! किं जातिनामगोत्तनिउत्ताउया जाव अणुभागनामगोत्तनिउत्ताउया गोतमा! जातिनामगोयनिउत्ताउया वि जाव अणुभागनामगोतनिउत्ताउया वि।
दंडओ जाव वेमाणियाणं।
[३९६]लवणे णं भंते! समुद्दे किं उस्सिओदए, पत्थडोदए, खुभियजले, अखुभियजले? गोयमा! लवणे णं समुद्दे उस्सिओदए, नो पत्थडोदए; खुभियजले, नो अखुभियजले। एतो आढतं जहा जीवाभिगमे
[दीपरत्नसागर संशोधितः]
[116]
[५-भगवई
