Page Text
________________
सतं-६, वग्गो - ,सत्तंसत्तं- , उद्देसो-८
जाव से तेणढेणं गोयमा! बाहिरया णं दीव-समुद्दा पुण्णा पुण्णप्पमाणा वोलटामाणा वोसटामाणा समभरघडताए चिट्ठति, संठाणतो एगविहिविहाणा, वित्थरओ अणेगविहिविहाणा, द्गुणा दुगुणप्पमाणतो जाव अस्सिं तिरियलोए असंखेज्जा दीव-समुद्दा सयंभुरमणपज्जवसाणा पण्णता समणाउसो!।
दीव-समुद्दा णं भंते! केवतिया नामधेज्जेहिं पण्णत्ता? गोयमा! जावतिया लोए सुभा नामा, सुभा रूवा, सुभा गंधा, सुभा रसा, सुभा फासा एवतिया णं दीव-समुद्दा नामधेज्जेहिं पण्णता। एवं नेयव्वा सुभा नामा, उद्धारो परिणामो सव्वजीवाणं। सेवं भंते! सेवं भंते! ति.।
छठे सए अट्ठमो उडेसो समतो .
0 नवमो उद्देसो 0 [३१७]जीवे णं भंते! णाणावरणिज्जं कम्मं बंधमाणे कति कम्मप्पगडीओ बंधइ? गोयमा! सतविहबंधए वा, अट्ठविहबंधए वा छव्विहबंधए वा। बंधुद्देसो पण्णवणाए नेयव्वो।
[३१८] देवे णं भंते! महिड्ढीए जाव महाणुभागे बाहिरए पोग्गले अपरियादिइता पभू एगवण्णं एगरूवं विठवित्तए? गोयमा! नो इणठे0 समठे।
देवे णं भंते! बाहिरए पोग्गले परियादिइत्ता पभू? हंता, पभू।
से णं भंते! किं इहगए पोग्गले परियादिइत्ता विठव्वति, तत्थगए पोग्गले परियादिइता विकुव्वति, अन्नत्थगए पोग्गले परियादिइत्ता विउव्वति? गोयमा! नो इहगते पोग्गले परियादिइत्ता विउव्वति, तत्थगते पोग्गले परियादिइत्ता विकुव्वति, नो अन्नत्थगए पोग्गले परियादिइत्ता विठव्वति।
एवं एतेणं गमेणं जाव एगवण्णं एगरूवं, एगवण्णं अणेगरूवं, अणेगवण्णं एगरूवं, अणेगवण्णं अणेगरूवं, चउण्हं चउभंगो।
देवे णं भंते! महिड्ढीए जाव महाणुभागे बाहिरए पोग्गले अपरियादिइत्ता पभू कालगं पोग्गलं नीलगपोग्गलत्ताए परिणामित्तए? नीलगं पोग्गलं वा कालगपोग्गलत्ताए परिणाभित्तए? गोयमा! नो इणठे समठे, परियादितित्ता पभू।
से णं भंते! किं इहगए पोग्गले. तं चेव, नवरं परिणामेति ति भाणियव्वं। एवं कालगपोग्गलं लोहियपोग्गलताए। एवं कालएण जाव सुक्किलं। एवं णीलएणं जाव सुक्किलं। एवं लोहिएणं जाव सुक्किलं। एवं हालिद्दएणं जाव सुक्किलं।
एवं एताए परिवाडीए गंध-रस-फास. कक्खडफासपोग्गलं मठयफासपोग्गलत्ताए। एवं दो दो गरुय-लह्य २, सीय-उसिण २, णिद्धलुक्ख २, वण्णाइ सव्वत्थ परिणामेइ। आलावगा य दो दो-पोग्गले अपरियाइत्ता, परियाइत्ता।
[३१९]अविसुद्धलेसे णं भंते! देवे असमोहतेणं अप्पाणेणं अविसुद्धलेसं देवं देविं अन्नयरं जाणति पासति? एवं अविसुद्धलेसे.
[दीपरत्नसागर संशोधितः]
[117]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |