Page Text
________________
सतं -६, वग्गो, सत्तंसत्तं-, उद्देसो-५
वण्ही-वरुणाणं देवाणं चउद्दस देवा, चउद्दस देवसहस्सा परिवारो पण्णत्तो । गद्दतोय-तुसियाणं देवाणं सत्त देवा, सत्त देवसहस्सा परिवारो पण्णत्तो । अवसेसाणं नव देवा, नव देवसया परिवारो पण्णत्तो ।
[२८]
पढमजुगलम्मि सत्त उ सयाणि बीयम्मि चोद्दस सहस्सा । ततिए सत्त सहस्सा नव चेव सयाणि सेसेसु । य
[२९९] लोगंतिगविमाणा णं भंते! किंपतिट्ठिता पण्णत्ता? गोयमा ! वाउपतिट्ठिया पण्णत्ता ।
एवं नेयव्वं-'विमाणाणं पतिट्ठाणं बाहल्लुच्चत्तमेव संठाणं । बंभलोयवत्तव्वया नेयव्वा जाव हंता गोयमा! असतिं अदुवा अणंतखुत्तो, नो चेव णं देवित्ताए ।
लोगंतिगविमाणेसु लोगंतियदेवाणं भंते! केवतियं कालं ठिती पण्णत्ता! गोयमा! अट्ठ सागरोवमाइं ठिती पण्णत्ता ।
लोगंतिगविमाणेहिंतो णं भंते! केवतियं अबाहाए लोगंते पण्णत्ते? गोयमा ! असंखेज्जाई जोयणसहस्साइं अबाहाए लोगंते पण्णत्ते ।
सेवं भंते! सेवं भंते! त्ति ।
*छट्ठे सए पंचमो उद्देसो समत्तो
० छट्ठो उद्देसो ०
[ ३००] कति णं भंते! पुढवीओ पण्णत्ताओ?
गोयमा ! सत्त पुढवीओ पण्णत्ताओ, तं जहा- रयणप्पभा जाव तमतमा। रयणप्पभादीणं आवासा भाणियव्वा जाव असत्तमाए ।
एवं जे जत्तिया आवासा ते भाणियव्वा जाव कति णं भंते! अणुत्तरविमाणा पण्णत्ता ? गोयमा! पंच अणुत्तरविमाणा पण्णत्ता, तं जहा - विजए जाव सव्वट्ठसिद्धे ।
[ ३०१] जीवे णं भंते! मारणंतियसमुग्धाएणं समोहते, समोहन्नित्ता जे भविए इमीसे रयणप्पभाए पुढवीए तीसाए निरयावाससयसहस्सेसु अन्नतरंसि निरयावासंसि नेरइयत्ताए उववज्जित से णं भंते! तत्थगते चेव आहारेज्ज वा, परिणामेज्ज वा सरीरं वा बंधेज्जा ?
गोयमा! अत्थेगइए तत्थगते चेव आहारेज्ज वा, परिणामेज्ज वा, सरीरं वा बंधेज्ज, अत्थेग इए ततो पडिनियत्तति, ततो पडिनियत्तित्ता इहमागच्छति, इहमागच्छित्ता दोच्चं पि मारणंतियसमुग्धाएणं समोहणति, समोहणित्ता इमीसे रयणप्पभाए पुढवीए तीसाए निरयावाससयसहस्सेसु अन्नयरंसि निरयावासंसि नेरइयत्ताए उववज्जित्तए ततो पच्छा आहारेज्ज वा परिणामेज्ज वा सरीरं वा बंधेज्जा ।
[दीपरत्नसागर संशोधितः ]
एवं जाव अहेसत्तमा पुढवी ।
जीवे णं भंते ! मारणंतियसमुग्धाएणं समोहए, २ जे भविए चउसट्ठीए असुरकुमारावाससयसहस्सेसु अन्नतरंसि असुरकुमारावासंसि असुरकुमारत्ताए उववज्जित्तए. जहा नेरड्या तहा भाणियव्वा जाव थणियकुमारा ।
जीवे णं भंते! मारणंतियसमुग्धाएणं समोहए, २ जे भविए असंखेज्जेसु पुढविकाइयावास
[५-भगवई]
[112]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |