Page Text
________________
सतं-६, वग्गो - ,सत्तंसत्तं- , उद्देसो-५
वीतीवएज्जा। अत्थेगतियं कण्हराई वीतीवएज्जा, अत्थेगइयं कण्हराई ण वीतीवएज्जा। एमहालियाओ णं गोयमा! कण्हराईओ पण्णताओ।
अत्थि णं भंते! कण्हराईसु गेहा ति वा, गेहावणा ति वा? नो इणढे समठे। अत्थि णं भंते! कण्हराईसु गामा ति वा.? णो इणठे समठे। अत्थि णं भंते! कण्ह. ओराला बलाहया सम्मुच्छंति ३? हंता, अत्थि। तं भंते! किं देवो प० ३? गोयमा! देवो पकरेति, नो असुरो, नो नागो य। अत्थि णं भंते! कण्हराईसु बादरे थणियसद्दे? जहा ओराला तहा।
अत्थि णं भंते! कण्हराईसु बादरे आउकाए बादरे अगणिकाए बायरे वणप्फतिकाए? णो इणठे समढे, णडण्णत्थ विग्गहगतिसमावन्नएणं।
अत्थि णं भंते! चंदिमसूरिय. ४ प०? णो इणढे समठे । अत्थि णं कण्ह. चंदाभा ति वा २ ? णो इणढे समठे।
कण्हराईओ णं भंते! केरिसियाओ वण्णेणं पन्नताओ? गोयमा! कालाओ जाव खिप्पामेव वीतीवएज्जा।
कण्हराईणं भंते! कति नामधेज्जा पण्णता ? गोयमा! अट्ठ नामधेज्जा पण्णता, तं जहा
कण्हराई ति वा, मेहराई ति वा, मघा इ वा, माघवती ति वा, वातफलिहा ति वा, वातपलिक्खोभा इ वा, देवफलिहा इ वा, देवपलिक्खोभा ति वा।
कण्हराईओ णं भंते! किं पुढविपरिणामाओ, आठपरिणामाओ, जीवपरिणामाओ, पुग्गल परिणामाओ? गोयमा! पुढविपरिणामाओ, नो आउपरिणामाओ, जीवपरिणामाओ वि, पुग्गलपरिणामाओ वि।
कण्हराईसु णं भंते! सव्वे पाणा भूया जीवा सता उववन्नपुव्वा? हंता, गोयमा! असई अदुवा अणंतखुत्तो, नो चेव णं बादरआउकाइयत्ताए, बादरअगणिकाइयत्ताए, बादरवणस्सतिकाइयत्ताए वा।
[२९५]एएसिं णं अट्ठण्हं कण्हराईणं अट्ठसु ओवासंतरेसु अट्ठ लोगंतियविमाणा पण्णता, तं जहा-अच्ची अच्चिमाली वइरोयणे पभंकरे चंदाभे सूराभे सुक्काभे सुपतिट्ठाभे, मज्झे रिट्ठाभे।
कहि णं भंते! अच्ची विमाणे प०? गोयमा! उत्तरपुरत्थिमेणं। कहिं णं भंते! अच्चिमाली विमाणे प०? गोयमा! पुरत्थिमेणं। एवं परिवाडीए नेयव्वं जाव कहि णं भंते! रिठे विमाणे पण्णत्ते? गोयमा! बहह्मज्झदेसभागे। एतेसु णं अट्ठसु लोगंतियविमाणेसु अट्ठविहा लोगंतिया देवा परिवसंति,तं जहा[२९६] सारस्सयमातिच्चा वण्ही वरुणा य गद्दतोया य।
तुसिया अव्वाबाहा अग्गिच्चा चेव रिट्ठा य ।। [२९७] कहि णं भंते! सारस्सता देवा परिवसंति? गोयमा! अच्चिम्मि विमाणे परिवति। कहि णं भंते! आदिच्चा देवा परिवसंति? गोयमा! अच्चिमालिम्मि विमाणे।
एवं नेयव्वं जहाणुपुव्वीए जाव कहि णं भंते! रिट्ठा देवा परिवसंति? गोयमा! रिट्ठम्मि विमाणे।
सारसस्य-मादिच्चाणं भंते! देवाणं कति देवा, कति देवसता पण्णता? गोयमा! सत्त देवा, सत्त देवसया परिवारो पण्णत्तो।
दीपरत्नसागर संशोधितः]
[111]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |