Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 111

सतं-६, वग्गो - ,सत्तंसत्तं- , उद्देसो-५
जाम
तं भंते! किं देवो पकरेति ३ ? तिण्णि वि पकरेंति।
अत्थि णं भंते! तमुकाए बादरे पुढविकाए, बादरे अगणिकाए? णो तिणठे समठे, णन्नत्थ विग्गहगतिसमावन्नएणं।
अत्थि णं भंते! तमुकाए चंदिम-सूरिय-गहगण-णक्खत्त-तारारूवा? णो तिणठे समठे, पलिपस्सतो पुण अत्थि।
अत्थि णं भंते! तमुकाए चंदाभा ति वा, सूराभा ति वा? णो तिणठे समठे, कासणिया पुण सा।
तमुक्काए णं भंते! केरिसए वण्णेणं पण्णते? गोयमा! काले कालोभासे गंभीरलोमहरिसजणणे भीमे उत्तासणए परमकिण्हे वण्णेणं पण्णते। देवे वि णं अत्थेगतिए जे णं तप्पढमताए पासिता णं खभाएज्जा, अहे णं अभिसमागच्छेज्जा, ततो पच्छा सीहं सीहं तुरियं तुरियं खिप्पामेव वीतीवएज्जा।
तमुकायस्स णं भंते! कति नामधेज्जा पण्णत्ता? गोयमा! तेरस नामधेज्जा पण्णता, तं जहातमे ति वा, तमुकाए ति वा, अंधकारे इ वा, महंधकारे इ वा, लोगंधकारे इ वा, लोगतमिस्से इ वा, देवंधकारे ति वा, देवतमिस्से ति वा, देवारण्णे ति वा, देववूहे ति वा, देवफलिहे ति वा, देवपडिक्खोभे ति वा, अरुणोदए ति वा समुद्दे।
तम्काए णं भंते! किं पुढविपरिणामे आउपरिणामे जीवपरिणामे पोग्गलपरिणामे? गोयमा! नो पढविपरिणामे, आठपरिणामे वि, जीवपरिणामे वि, पोग्गलपरिणामे वि।
तमुकाए णं भंते! सव्वे पाणा भूता जीवा सत्ता पुढविकाइयत्ताए जाव तसकाइयत्ताए उववन्नपुव्वा? हंता, गोयमा!
असई अद्वा अणंतखुत्तो, णो चेव णं बादरपुढविकाइयत्ताए वा, बादरअगणिकाइयत्ताए वा। [२९२] कति णं भंते! कण्हराईओ पण्णताओ? गोयमा! अट्ठ कण्हराईओ पण्णताओ।
कहिं णं भंते! एयाओ अट्ठ कण्हराईओ पण्णताओ? गोयमा! उप्पिं सणंकुमार-माहिंदाणं कप्पाणं, हव्विं बंभलोगे कप्पे रिठे विमाणपत्थडे, एत्थ णं अक्खाडग-समचठरंससंठाणसंठियाओ अट्ठ कण्हराईओ पण्णताओ, तं जहापुरत्थिमेणं दो, पच्चत्थिमेणं दो, दाहिणेणं दो, उत्तरेणं दो। पुरत्थिमभंतरा कण्हराई दाहिणबाहिरं कण्हराइं पुट्ठा, दाहिणभंतरा कण्हराई पच्चत्थिमबाहिरं कण्हराई पुट्ठा, पच्चत्थिमभंतरा कण्हराई उत्तरबाहिरं कण्हराई पुट्ठा, उत्तरऽभंतरा कण्हराई पुरत्थिमबाहिरं कण्हराई पुट्ठा। दो पुरत्थिमपच्चत्थिमाओ बाहिराओ कण्हराईओ छलंसाओ, दो उत्तरदाहिणबाहिराओ कण्हराईओ तंसाओ, दो पुरत्थिमपच्चत्थिमाओ अभिंतराओ कण्हराईओ चठरंसाओ, दो उत्तरदाहिणाओ अभिंतराओ कण्हराईओ चउरंसाओ। [२९३] पुव्वावरा छलंसा, तंसा पुण दाहिणुत्तरा बज्झा।
अब्भंतर चउरंसा सव्वा वि य कण्हराईओ ।। [२९४]कण्हराईओ णं भंते! केवतियं आयामेणं, केवतियं विक्खंभेणं, केवतियं परिक्खेवेणं पण्णताओ? गोयमा! असंखेज्जाई जोयणसहस्साई आयामेणं, असंखेज्जाई जोयणसहस्साई विक्खंभेणं, असंखेज्जाइं जोयणसहस्साइं परिक्खेवेणं पण्णताओ।
कण्हराईओ णं भंते! केमहालियाओ पण्णताओ? गोयमा! अयं णं जंबुद्दीवे दीवे जाव अद्धमासं
[दीपरत्नसागर संशोधितः]
[110]
[५-भगवई]