________________
सतं-६, वग्गो - ,सत्तंसत्तं- , उद्देसो-४
ओहिनाणे मणपज्जवणाणे केवलनाणे जीवादिओ तियभंगो।
ओहिए अण्णाणे मतिअण्णाणे सुयअण्णाणे एगिदियवज्जो तियभंगो। विभंगणाणे जीवादिओ तियभंगो।
सजोगी जहा ओहिओ। मणजोगी वयजोगी कायजोगी जीवादिओ तियभंगो, नवरं कायजोगी एगिंदिया तेसु अभंगकं।
अजोगी जहा अलेसा। सागारोवउत्त-अणागारोवउत्तेहिं जीवेगिंदियवज्जो तियभंगो।
सवेयगा य जहा सकसाई। इत्थिवेयग-पुरिसवेदग-नपुंसगवेदगेसु जीवादिओ तियभंगो, नवरं नपुंसगवेदे एगिदिएसु अभंगयं।
अवेयगा जहा अकसाई।
ससरीरी जहा ओहिओ। ओरालिय-वेठब्वियसरीरीणं जीवएगिदियवज्जो तियभंगो। आहारगसरीरे जीव-मणुएसु छब्भंगा। तेयग-कम्मगाणं जहा ओहिया।
असरीरेहिं जीव-सिद्धेहिं तियभंगो।
आहारपज्जतीए सरीरपज्जतीए इंदियपज्जत्तीए आणापाणपज्जत्तीए जीवेगिं दियवज्जो तियभंगो। भासामणपज्जत्तीए जहा सण्णी।
आहारअपज्जत्तीए जहा अणाहारगा। सरीरअपज्जत्तीए इंदियअपज्जत्तीए आणापाणअपज्जत्तीए जीवेगिंदियवज्जो तियभंगो, नेरइय-देव-मणुएहिं छब्भंगा। भासामणअपज्जत्तीए जीवादिओ तियभंगो, णेरइयदेव-मणुएहिं छब्भंगा। [२८७] सपदेसाऽऽहारग भविय सण्णि लेस्सा दि संजय कसाए।
णाणे जोगुवओगे वेदे य सरीर पज्जती।। [२८८]जीवा णं भंते! किं पच्चक्खाणी, अपच्चक्खाणी, पच्चक्खाणापच्चक्खाणी? गोयमा! जीवा पच्चक्खाणी वि, अपच्चक्खाणी वि, पच्चक्खाणाऽपच्चक्खाणी वि।
सव्वजीवाणं एवं पुच्छा। गोयमा! नेरइया अपच्चक्खाणी जाव चरिंदिया, सेसा दे पडिसेहेयव्वा। पंचेंदियतिरिक्खजोणिया नो पच्चक्खाणी, अपच्चक्खाणी वि, पच्चक्खाणापच्चक्खाणी वि। मणुस्सा तिण्णि वि। सेसा जहा नेरतिया।
जीवा णं भंते! किं पच्चक्खाणं जाणंति, अपच्चक्खाणं जाणंति, पच्चक्खाणापच्चक्खाणं जाणंति? गोयमा! जे पंचेंदिया ते तिण्णि वि जाणंति, अवसेसा पच्चक्खा[ण-अपच्चक्खाणपच्चक्खाणापच्चक्खा]णं न जाणंति।
जीवा णं भंते ! किं पच्चक्खाणं कुव्वंति अपच्चक्खाणं कुव्वंति, पच्चक्खाणा-पच्चक्खाणं कुव्वंति? जहा ओहिया तहा कुव्वणा।
जीवा णं भंते! किं पच्चक्खाणनिव्वत्तियाउया, अपच्चक्खाणनि., पच्चक्खाणापच्चक्खाणनि.?
गोयमा! जीवा य वेमाणिया य पच्चक्खाणणिव्वत्तियाउया तिण्णि वि। अवसेसा अपच्चक्खाण- निव्वत्तियाउया।
[दीपरत्नसागर संशोधितः]
[108]
[५-भगवई
