Page Text
________________
सतं-६, वग्गो - ,सत्तंसत्तं- , उद्देसो-२
नेयव्वो।
सेवं भंते! सेवं भंते! ति. ।
*छठे सए बीओ उद्देसो समतो
0 तइओ उद्देसो० [२७८] बहुकम्म वत्थपोग्गल पयोगसा वीससा य सादीए |
कम्मट्ठिति-त्थि संजय सम्मद्दिट्ठी य सण्णी य ।। [२७९] भविए दंसण पज्जत्त भासय परित नाण जोगे य।
उवओगा-ऽऽहारग सुहम चरिम बंधे य, अप्पबहूं ।। [२८०] से नूणं भंते! महाकम्मस्स महाकिरियस्स महासवस्स महावेदणस्स सव्वतो पोग्गला बज्झंति, सव्वओ पोग्गला चिज्जंति, सव्वओ पोग्गला उवचिज्जंति, सया समितं च णं पोग्गला बज्झंति, सया समितं पोग्गला चिज्जंति, सया समितं पोग्गला उवचिजंति, सया समितं च णं तस्स आया दुरूवत्ताए दुवण्णत्ताए दुगंधत्ताए दुरसताए दुफासत्ताए अणिठ्ठताए अकंतताए अप्पियत्ताए असुभत्ताए अमणुण्णत्ताए अमणामत्ताए अणिच्छियताए अभिज्झियत्ताए; अहत्ताए, नो उड्ढताए, दुक्खताए, नो सुहताए भुज्जो भुज्जो परिणमंइ? हंता, गोयमा! महाकम्मस्स तं चेव।
से केणठेणं.? गोयमा! से जहानामए वत्थस्स अहतस्स वा धोतस्स वा तंतुग्गतस्स वा आणुपुव्वीए परिभुज्जमाणस्स सव्वओ पोग्गला बज्झंति, सव्वओ पोग्गला चिज्जंति जाव परिणमंति, से तेणठेणं।
से नूणं भंते! अप्पकम्मस्स अप्पकिरियस्स अप्पासवस्स अप्पवेदणस्स सव्वओ पोग्गला भिज्जंति, सव्वओ पोग्गला छिज्जंति, सव्वओ पोग्गला विद्धंसंति, सव्वओ पोग्गला परिविद्धंसंति, सया समितं पोग्गला भिज्जति छिज्जति विद्धंसंति परिविद्धंसंति, सया समितं च णं तस्स आया सुरूवत्ताए पसत्थं नेयव्वं जाव सुहत्ताए, नो दुक्खत्ताए भुज्जो २ परिणमंति? हंता, गोयमा! जाव परिणमंति।
से केणढेणं.? गोयमा! से जहानामए वत्थस्स जल्लियस्स वा पंकितस्स वा मइलियस्स वा रइल्लियस्स वा आणुपुव्वीए परिकम्मिज्जमाणस्स सुद्धणं वारिणा धोव्वमाणस्स सव्वतो पोग्गला भिज्जंति जाव परिणमंति, से तेणठेणं०।
[२८१]वत्थस्स णं भंते! पोग्गलोवचए किं पयोगसा, वीससा? गोयमा! पयोगसा वि, वीससा वि।
जहा णं भंते! वत्थस्स णं पोग्गलोवचए पयोगसा वि, वीससा वि तहा णं जीवाणं कम्मोवचए किं पयोगसा, वीससा? गोयमा! पयोगसा, नो वीससा।
से केणठेणं.? गोयमा! जीवाणं तिविहे पयोगे पण्णते,तं जहा-मणप्पयोगे वइप्पयोगे कायप्पयोगे य। इच्चेतेणं तिविहेणं पयोगेणं जीवाणं कम्मोवचए पयोगसा, नो वीससा। एवं सव्वेसिं पंचेंदियाणं तिविहे पयोगे भाणियव्वे।
पुढविक्काइयाणं एगविहेणं पयोगेणं, एवं जाव वणस्सतिकाइयाणं। विगलिंदियाणं दुविहे पयोगे पण्णते, तं जहा- वइप्पयोगे य, कायप्पयोगे य। इच्चेतेणं विहेणं पयोगेणं कम्मोवचए पयोगसा, नो
[दीपरत्नसागर संशोधितः]
[103]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |