Page Text
________________
सतं -६, वग्गो, सत्तंसत्तं-, उद्देसो-१
समणाणं निग्गंथाणं जाव महापज्जवसाणा भवंति। से तेणट्ठेणं जे महावेदणे से महानिज्जरे जाव निज्जराए ।
[२७४]कतिविहे णं भंते! करणे पण्णत्ते? गोतमा ! चउव्विहे करमे पण्णत्ते, तं जहा-मणकरणे वइकरणे कायकरणे कम्मकरणे ।
णेरइयाणं भंते! कतिविहे करणे पण्णत्ते? गोयमा ! चउव्विहे पण्णत्ते, तं जहा- मणकरणे वइकरणे कायकरणे कम्मकरणे । एवं पंचेंद्रियाणं सव्वेसिं चउव्विहे करणे पण्णत्ते। एगिंदियाणं दुविहे - कायकरणे य कम्मकरणे य। विगलेंदियाणं वइकरणे कायकरणे कम्मकरणे ।
नेरइया णं भंते! किं करणतो असायं वेदणं वेदेंति? अकरणतो वेदणं वेदेंति ? गोयमा ! नेरइया णं करणओ असायं वेदणं वेदेंति, नो अकरणओ वेदणं वेदेंति ।
से केणट्ठेणं.? गोयमा ! नेरइयाणं चउव्विहे करणे पण्णत्ते, तं जहा- मणकरणे वइकरणे कायकरणे कम्मकरणे । इच्चेएणं चउव्विहेणं असुभेणं करणेणं नेरइया करणतो असायं वेदणं वेदेंति, नो अकरणतो, से तेणट्ठेणं. ।
असुरकुमारा णं किं करणतो, अकरणतो? गोयमा! करणतो, नो अकरणतो ।
से केणट्ठेणं०? गोतमा! असुरकुमाराणं चव्विहे करणे पण्णत्ते, तं जहा-मणकरणे वइकरणे कायकरणे कम्मकरणे। इच्चेएणं सुभेणं करणेणं असुरकुमारा णं करणतो सायं वेदणं वेदेंति, नो अकरणतो । एवं जाव थणियकुमारा ।
पुढविकाइयाणं एस चेव पुच्छा। नवरं इच्चेएणं सुभासुभेणं करणेणं पुढविकाइया करणतो वेमाया वेदणं वेदेंति, नो अकरणतो |
ओरालियसरीरा सव्वे सुभासुभेणं वेमायाए । देवा सुभेणं सातं ।
[२७५] जीवा णं भंते! किं महावेदणा महानिज्जरा? महावेदणा अप्पनिज्जरा? अप्पवेदणा महानिज्जरा? अप्पवेदणा अप्पनिज्जरा? गोयमा! अत्थेगइया जीवा महावेदणा महानिज्जरा, अत्थेगइया जीवा महावेयणा अप्पनिज्जरा, अत्थेगइया जीवा अप्पवेदणा महानिज्जरा, अत्थेगइया जीवा अप्पवेदणा अप्पनिज्जरा।
से केणट्ठेणं०? गोयमा ! पडिमापडिवन्नए अणगारे महावेदणे महानिज्जरे । छट्ठ-सत्तमासु पुढवीसु नेरइया महावेदणा अप्पनिज्जरा। सेलेसिं पडिवन्नए अणगारे अप्पवेदणे महानिज्जरे । अणुत्तरोववाइया देवा अप्पवेदणा अप्पनिज्जरा ।
सेवं भंते! सेवं भंते! त्ति ।
[२७६] महावेदणे य वत्थए
कद्दम - खंजणमए य अधिकरणी । तणहत्थेऽयकवल्ले करण महावेदा
जीवा ||
सेवं भंते! सेवं भंते! ति. ।
[दीपरत्नसागर संशोधितः]
*छट्ठे सए पढमो उद्देसो समत्तो*
0 बीओ उद्देसो ०
[२७७] रायगिहं नगरं जाव एवं वदासी - आहारुद्देसो जो पण्णवणाए सो सव्वो निरवसेसो
[102]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |