Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 101

सतं-५, वग्गो - ,सत्तंसतं- , उद्देसो-९
से केणठेणं जाव समया ति वा आवलिया ति वा जाव ओसप्पिणी ति वा उस्सप्पिणी ति वा? गोयमा! इहं तेसिं माणं, इहं तेसिं पमाणं, इहं तेसिं एवं पण्णायति, तं जहा-समया ति वा जाव उस्सप्पिणी ति वा। से तेणठेणं जाव नो एवं पण्णायति, तं जहा-समया ति वा जाव उस्सप्पिणी ति वा।
एवं जाव पंचेंदियतिरिक्खजोणियाणं।
अत्थि णं भंते! मणुस्साणं इहगताणं एवं पण्णायति, तं जहा-समया ति वा जाव उस्सप्पिणी ति वा? हंता, अत्थि।
से केणढेणं.? गोतमा! इहं तेसिं माणं, इहं तेसिं पमाणं, इहं चेव तेसिं एवं पण्णायति, तं जहा-समया ति वा जाव उस्सप्पिणी ति वा। से तेणठेणं.।
वाणमंतर-जोतिस-वेमाणियाणं जहा नेरइयाणं।
[२६७]तेणं कालेणं तेणं समएणं पासावच्चिज्जा थेरा भगवंतो जेणेव समणे भगवं महावीरे तेणेव उवागच्छंति, तेणेव उवागच्छिता समणस्स भगवओ महावीरस्स अदूरसामंते ठिच्चा एवं वदासी-से नूणं भंते! असंखेज्जे लोए, अणंता रातिंदिया उप्पज्जिंसु वा उप्पज्जति वा उप्पज्जिस्संति वा?, विगच्छिंस् वा विगच्छंति वा विगच्छिस्संति वा?, परित्ता रातिंदिया उप्पज्जिंसु वा उप्पज्जति वा उप्पज्जिस्संति वा? विगच्छिंसु वा विगच्छंति वा विगच्छिस्संति वा? हंता, अज्जो! असंखेज्जे लोए, अणंता रातिंदिया. तं चेव।
से केणढेणं जाव विगच्छिस्संति वा? से नूणं भे अज्जो! पासेणं अरहया पुरिसादाणीएणं "सासते लोए वुइते अणादीए अणवदग्गे परिते परिवुडे; हेट्ठा वित्थिण्णे, मज्झे संखित्ते, उप्पिं विसाले, अहे पलियंकसंठिते, मज्झे वरवइरविग्गहिते, उप्पिं उद्धमुइंगाकारसंठिते। ते(?)सिं च णं सासयंसि लोगंसि अणादियंसि अणवदग्गंसि परित्तंसि परिवुडंसि हेट्ठा वित्थिण्णंसि, मज्झे संखित्तंसि, उप्पिं विसालंसि, अहे पलियंकसंठियंसि, मज्झे वरवइरविग्गहियंसि, उप्पिं उद्धमुइंगाकारसंठियंसि अणंता जीवघणा उप्पज्जित्ता उप्पज्जिता निलीयंति, परित्ता जीवघणा उप्पज्जिता उप्पज्जित्ता निलीयंति। से भूए उप्पन्ने विगते परिणए अजीवेहिं लोक्कति, पलोक्कइ। जे लोक्कड़ से लोए? 'हंता, भगवं!'| से तेणठेणं अज्जो! एवं वुच्चति असंखेज्जे तं चेव।
तप्पभितिं च णं ते पासावच्चेज्जा थेरा भगवंतो समणं भगवं महावीरं पच्चभिजाणंति 'सव्वण्णुं सव्वदरिसिं ति।
तए णं ते थेरा भगवंतो समणं भगवं महावीरं वंदंति नमसंति, २ एवं वदासि-इच्छामि णं भंते! तुभं अंतिए चाउज्जामाओ धम्माओ पंचमहव्वइयं सप्पडिक्कमणं धम्म उवसंपज्जित्ताणं विहरित्तए। अहासुहं देवाणुप्पिया! मा पडिबंधं करेह।
तए णं ते पासावच्चिज्जा थेरा भगवंतो जाव चरिमेहिं उस्सासनिस्सासेहिं सिद्धा जाव सव्वदुक्खप्पहीणा, अत्थेगइया देवा देवलोगेसु उववन्ना।
[२६८]कतिविहा णं भंते! देवलोगा पण्णता? गोयमा! चठव्विहा देवलोगा पण्णता, तं जहाभवणवासी-वाणमंतर-जोतिसिय-वेमाणियभेदेण। भवणवासी दसविहा। वाणमंतरा अठविहा। जोतिसिया पंचविहा। वेमाणिया विहा।
[२६९] किमिदं रायगिहं ति य, उज्जोते अंधकारे समए य।
पासंतिवासिपुच्छा रातिंदिय, देवलोगा य ।।
[दीपरत्नसागर संशोधितः]
[100]
[५-भगवई