________________
सतं-५, वग्गो- ,सत्तंसतं- , उद्देसो-८
सेसा सव्वे सोवचया वि, सावचया वि, सोवचयसावचया वि, निरुवचयनिरवचया वि जहन्नेणं एगं समयं, उक्कोसेणं आवलियाए असंखेज्जतिभागं अवट्ठिएहिं वक्कंतिकालो भाणियव्वो।
सिद्धा णं भंते! केवतियं कालं सोवचया? गोयमा! जहन्नेणं एक्कं समयं, उक्कोसेणं अट्ठ
समया।
केवतियं कालं निरुवचयनिरवचया? जहन्नेणं एक्कं समयं, उक्कोसेणं छम्मासा। सेवं भंते! सेवं भंते! ति.।
पंचम सए अट्ठमो उहेसो समतो.
0 नवमो उद्देसओ 0 [२६४]तेणं कालेणं तेणं समएणं जाव एवं वयासी
किमिदं भंते! 'नगरं रायगिहं' ति पवुच्चति? जाव वणस्सती? जहा एयणुद्देसए पंचिंदियतिरिक्खजोणियाणं वतव्वता तहा भाणियव्वं जाव सचित्त-अचित्त-मीसयाई दव्वाइं नगरं रायगिहंति पवुच्चति? गोतमा! पुढवी वि 'नगरं रायगिहं'ति पवुच्चति जाव सचित्त-अचित्त-मीसियाई दव्वाइं 'नगरं रायगिहंति पवुच्चति।
से केणठेणं.? गोयमा! पुढवी जीवा ति य अजीवा ति य नगरं रायगिहंति पवुच्चति जाव सचित्त-अचित्त-मीसियाई दव्वाइं जीवा ति य अजीवा ति य नगरं रायगिहंति पवुच्चति, से तेणठेणं तं चेव
[२६५]से नूणं भंते! दिया उज्जोते, रातिं अंधकारे? हंता, गोयमा! जाव अंधकारे।
से केणठेणं.? गोतमा! दिया सुभा पोग्गला, सुभे पोग्गलपरिणामे, रत्तिं असुभा पोग्गला, असुभे पोग्गलपरिणामे, से तेणठेणं.।
नेरइयाणं भंते! किं उज्जोए, अंधकारे? गोयमा! नेरइयाणं नो उज्जोए, अंधयारे। से केणठेणं.? गोतमा! नेरइयाणं असुभा पोग्गला, असुभे पोग्गलपरिणामे, से तेणठेणं.। असुरकुमाराणं भंते! किं उज्जोते, अंधकारे? गोयमा! असुरकुमाराणं उज्जोते, नो अंधकारे।
से केणठेणं.? गोतमा! असुरकुमाराणं सुभा पोग्गला, सुभे पोग्गलपरिणामे, से तेणठेणं एवं वुच्चति.।
एवं जाव थणियाणं। पुढविकाइया जाव तेइंदिया जहा नेरइया। चरिंदियाणं भंते! किं उज्जोते, अंधकारे? गोतमा! उज्जोते वि, अंधकारे वि। से केणठेणं० ? गोतमा! चतुरिंदियाणं सुभाऽसुभा पोग्गला, सुभाऽसुभे पोग्गलपरिणामे, से तेणठेणं०। एवं जाव मणुस्साणं। वाणमंतर-जोतिस-वेमाणिया जहा असुरकुमारा।
[२६६]अत्थि णं भंते! नेरइयाणं तत्थगयाणं एवं पण्णायति, तं जहा-समया ति वा आवलिया ति वा जाव ओसप्पिणी ति वा उस्सप्पिणी ति वा? णो इणठे समठे।
से केणढेणं जाव समया ति वा आवलिया ति वा जाव ओसप्पिणी ति वा उस्सप्पिणी ति
[दीपरत्नसागर संशोधितः]
[99]
[५-भगवई
