Page Text
________________
N
पंचविहा देवा प० तं० भवियदव्वदेवा नरदेवा धम्मदेवा देवातिदेवा भावदेवा ।
[४३६] पंचविहा परियारणा पन्नत्ता तं जहा- कायपरियारणा फासपरियारणा रूवपरियारणा सद्दपरियारणा मणपरियाणा |
[४३७] चमरस्स णं असुरिंदस्स असुरकुमाररण्णो पंच अग्गमहिसीओ पन्नत्ताओ तं जहाकाली राती रयणी विज्जू मेहा |
बलिस्स णं वइरोयणिंदस्स वइरोयणरण्णो पंच अग्गमहिसीओ पन्नत्ताओ तं जहा- सुभा निसुंभा रंभा निरंभा मदना ।
[४३८] चमरस्स णं असुरिंदस्स असुरकुमाररण्णो पंच संगामिया अनिया पंच संगामिया अनियाधिवती पन्नत्ता तं जहा- पायत्ताणिए पीढाणिए कंजराणिए महिसाणिए रहाणिए, मे पायत्तानियाधिवती सोदामे आसराया पीढणियाधिवती कंथ हति कुंजराणियाधिवती लोहितक्खे महिसाणियाधिवती किण्णरे रधाणियाधिवती ।।
बलिस्स णं वइरोणिंदस्स वइरोयणरण्णो पंच संगामियाणिया पंच संगामियाणियाधिवती पन्नत्ता तं जहा- पायत्ताणिए जाव रधाणिए, महढुमे पायत्ताणियाधिवती महासोदामे आसराया पीढाणियाधिवती मालंकारे हत्थिराया कंजराणियाधिपती महालोहिअक्खे महिसाणि याधिपती कंपरिसे रधाणियाधिपती ।
धरणस्स णं न गकुमारिंदस्स नागकुमाररण्णो पंच संगामिया अनिया पंच संगामियामियाधिपती पन्नत्ता तं जहा- पायत्ताणिया जाव रहाणिए ।
भद्दसेणे पायत्ताणियाधिपती जसोधरे आसराया पीढाणियाधिपती सुदंसणे हत्थिराया कंजराणियाधिपती नीलकंठे महिसाणियाधिपती आनंदे रहाणियाहिवई।
भूयाणंदस्स णं नागकुमारिंदस्स नागकुमाररण्णो पंच संगामियाणिया पंच संगामियाणियाहिवई पन्नत्ता तं जहा- पायत्ताणिए जाव रहाणिए दक्खे पायत्ताणियाहिवई सुग्गीवे आसराया पीढाणियाहि-वई सुविक्कमे हत्थिराया कुंजराणियाहिवई सेयकंठे महिसाणियाहिवई नंदुत्तरे रहामियाहिवई ।
वेणुदेवस्स णं सुवण्णिंदस्स सुवण्णकुमाररण्णो पंच संगामियाणिया पंच संगामियाणियाहिपती पन्नत्ता तं जहा- पायत्ताणिए एवं जधा धरणस्स तधा वेणुदेवस्सवि वेणुदालियस्स जहा भूताणंदस्स,
जधा धरणस्स तहा सव्वेसिं दाहिणिल्लाणं जाव घोसस्स जधा भूताणंदस्स तधा सव्वेसिं ठाणं-५, उद्देसो-१
उत्तरिल्लाणं जाव महाघोसस्स ।
सक्कस्स णं देविंदस्स देवरण्णो पंच संगामिया अणिया पंच संगामियाणियाधिवती पन्नत्ता तं जहा- पायत्ताणिए उसभाणिए, हरिणेगमेसी पायत्ताणियाधिवती वाऊ आसराया पीढाणियाधिवती एरावणे हत्थिराया कुंजराणियाधिपती दामड्ढी उसभाणियाधिपती माढरे रघाणियाधिपती ।
ईसाणस्स णं देविंदस्स देवरण्णो पंच संगामिया अणिया जाव पायत्ताणिए पीढाणिए कंजराणिए उसभाणिए रघाणिए, लहपरक्कमे पायत्ताणियाधिवती महावाऊ आसराया पीढाणियाहिवती पुप्फदंते हत्थिराया कुंजराणियाहिवती महादामड्ढी उसभाणियाहिवती महामाढरे रधाणियाहिवती जधा
[मुनि दीपरत्नसागर संशोधित:]
[80]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |