Page Text
________________
चत्तारि पकंथगा पन्नत्ता तं जहा- आइण्णे नाममेगे आइण्णे, आइण्णे नाममेगे खलंके, खलुंके नाममेगे आइण्णे, खलुंके नाममेगे खलुंके; एवामेव चत्तारि पुरिसजाया पन्नत्ता तं जहा- आइण्णे ठाणं-४, उद्देसो-३
नाममेगे आइण्णे चउभंगो ।
चत्तारि पकंथगा पन्नत्ता तं जहा- आइण्णे नाममेगे आइण्णातए वहति, आइण्णे नाममेगे खलंकताए वहति,-४, एवामेव चत्तारि परिसजाया पन्नत्ता तं जहा- आइण्णे नाममेगे आइण्णताए वहति चउभंगो ।
चत्तारि पकंथगा पन्नत्ता तं जहा- जातिसंपण्णे नाममेगे नो कुलसंपण्णे, कुलसंपण्णे नाममेगे नो जातिसंपण्णे-४, एवामेव चत्तारि परिसजाया पन्नत्ता तं जहा- जातिसंपण्णे नाममेगे नो कुलसंपण्णे० चउभंगो ।
चत्तारि पकंथगा पन्नत्ता तं जहा- जातिसंपण्णे नाममेगे नो बलसंपण्णे-४, एवामेव चत्तारि परिसजाया पन्नत्ता तं जहा- जातिसंपण्णे नाममेगे नो बलसंपण्णे-४ ।
चत्तारि पकंथगा पन्नत्ता तं जहा- जातिसंपण्णे नाममेगे नो रूवसंपण्णे-४; एवामेव चत्तारि परिसजाया पन्नत्ता तं जहा- जातिसंपण्णे नाममेगे नो रूवसंपण्णे-४ ।
चत्तारि पकंथगा पन्नत्ता तं जहा- जातिसंपण्णे नाममेगे नो जयसंपण्णे-४; एवामेव चत्तारि परिसजाया पन्नत्ता तं जहा- जातिसंपण्णे नाममेगे नो जयसंपण्णे-४ ।
एवं कुलसंपन्नेण य बलसंपन्नेण य, कुलसंपन्नेण य रूवसंपन्नेन य, कुलसंपन्नेण य जयसंपन्नेण य, एवं बलसंपन्नेण य रूवसंपन्नेण य, बलसंपन्नेण य जय संपन्नेण य-४- सव्वत्थ परिसजाया पडिवक्खो ।
चत्तारि कंथगा य प० तं०- रूवसंपन्ने नाममेगे नो जयसंपन्ने-४; एवामेव चत्तारि परिसजाया प० तं०- रूवसंपन्ने नाममेगे नो जयसंपन्ने-४ ।
चत्तारि परिसजाया पन्नत्ता तं जहा- सीहत्ताए नाममेगे निक्खंते सीहत्ताए विहरइ, सीहत्ताए नाममेगे निक्खंते सीयालत्ताए विहरइ, सीयालत्ताए नाममेगे निक्खंते सीहत्ताए विहरइ, सीयालत्ताए नाममेगे निक्खंते सीयालत्ताए विहरइ ।।
___ [३५०] चत्तारि लोगे समा पन्नत्ता तं जहा- अपइट्ठाणे नरए, जंबुद्दीवे दीवे, पालए जाणविमाणे, सव्वट्ठसिद्धे महाविमाणे | चत्तारि लोगे समा सपक्खिं सपडिदिसिं पन्नत्ता तं जहा- सीमंतए नरए, समयक्खेत्ते, उडुविमाणे, इसीपब्भरा पुढवी ।
[३५१] उड्ढलोगे णं चत्तारि बिसरीरा पन्नत्ता तं जहा- पुढविकाइया आउकाइया वणस्सइकाइया उराला तसा पाणा, अहोलोगे णं चत्तारि बिसरीरा पन्नत्ता तं जहा- पुढविकाइया० एवं चेव, एवं तिरियलोए वि-४ ।।
[३५२] चत्तारि पुरिसजाया प० तं०-हिरिसत्ते हिरिमणसत्ते, चलसत्ते, थिरसत्ते ।
[३५३] चत्तारि सेज्जपडिमाओ पन्नत्ताओ, चत्तारि वत्थपडिमाओ पन्नत्ताओ, चत्तारि पायपडि-माओ पन्नत्ताओ, चत्तारि ठाणपडिमाओ पन्नत्ताओ ।
[३५४] चत्तारि सरीरगा जीवफडा पन्नत्ता तं जहा- वेठव्विए आहारए तेयए कम्मए, चत्तारि सरीरमा कम्मम्मीसगा पन्नत्ता तं जहा- ओरालिए वेउव्विए आहारए तेयए ।
[मुनि दीपरत्नसागर संशोधित:]
[66]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |