Page Text
________________
[३५५] चउहिं अत्थिकाएहिं लोगे फुडे पण्णत्ते तं जहा- धम्मत्थिकाएणं अधम्मत्थिकाएणं जीवत्थिकाएणं पुग्गलत्थिकाएणं; चउहिं बादरकाएहिं उववज्जमाणेहिं लोगे फुडे पण्णत्ते तं जहा- पुढविकाठाणं-४, उद्देसो-३
इएहिं, आउकाइएहिं, वाउकाइएहिं, वणस्सकाइएहिं ।
[३५६] चत्तारि पएसग्गेणं तुल्ला पन्नत्ता तं जहा- धम्मत्थिकाए, अधम्मत्थिकाए, लोगागासे, एगजीवे |
[३५७] चउण्हमेगं सरीरं नो सुपस्सं भवइ तं जहा- पुढविकाइयाणं, आउकाइयाणं, तेउकाइयाणं, वणस्सइकाइयाणं ।
[३५८] चत्तारि इंदियत्था पुट्ठा वेदेंति तं जहा- सोइंदियत्थे घाणिंदियत्थे जिब्भिंदियत्थे
फासिंदियत्थे ।
[३५९] चउहिं ठाणेहिं जीवा य पोग्गला य नो संचाएंति बहिया लोगंता गमणयाए, तं जहागतिअभावेणं, निरुवग्गहयाए, लुक्खताए, लोगाणुभावेणं ।
[३६०] चउव्विहे णाते प० तं०- आहरणे आहारणतद्देसे आहरणतद्दोसे उवण्णासोवणए, आहरणे चउव्विहे पण्णत्ते तं जहा- अवाए उवाए ठवणाकम्मे पडुप्पण्णविणासी; आहरणतद्देसे चउव्विहे पण्णत्ते तं जहा- अणुसिट्ठी उवालंभे पुच्छा निस्सावयणे; आहारणतद्दोसे चउव्विहे पण्णत्ते तं जहाअधम्मजुत्ते पडिलोभे अत्तोवणीते दुरुवणीते; उवण्णासोवणए चउव्विहे पण्णत्ते तं जहा- तव्वत्थुते तवण्णत्थुते पडिणिभे हेतू,
हेऊ चउव्विहे पण्णत्ते तं जहा- जावए थावए वंसए लूसए, अहवा हेऊ चउव्विहे पण्णत्ते तं जहा - पच्चक्खे अनुमाने ओवम्मे आगमे, अहवा हेऊ चउव्विहे पण्णत्ते तं जहा- अत्थितं अत्थि सो हेऊ, अत्थितं नत्थि सो हेऊ, नत्थित्तं अत्थि सो हेऊ, नत्थित्तं नत्थि सो हेऊं ।
[३६१] चउव्विहे संखाणे पण्णत्ते तं जहा- परिकम्मं ववहारे रज्जू रासी ।
अहोलोगे णं चत्तारि अंधगारं करेंति तं जहा- नरगा नेरइया पावाइं कम्माई असुभा
पोग्गला, तिरियलोगे णं चत्तारि उज्जोतं करेंति तं जहा चंदा सूरा मणी जोती,
उड्ढलोगे णं चत्तारि उज्जोतं करेंति तं जहा- देवा देवीओ विमाणा आभरणा ।
॰ चउत्थे ठाणे तइओ उद्देसो समत्तो •
0 चउत्थो - उद्देसो ०
[३६२] चत्तारि पसप्पगा पन्नत्ता तं जहा - अणुप्पन्नणं भोगाणं उप्पाएत्ता एगे पसप्पए पुव्वुप्पन्नाणं भोगाणं अविप्पओगेणं एगे पसप्पए अणुप्पन्नाणं सोक्खाणं उप्पाइत्ता एगे पसप्प पुव्वुप्पन्नाणं सोक्खाणं अविप्पओगेणं एगे पसप्पए ।
[३६३] णेरइयाणं चउव्विहे आहारे पण्णत्ते तं जहा - इंगालोवमे मुम्मुरोवमे सीतले
हिमसीतले ।
तिरिक्खजोणियाणं चउव्विहे आहारे प० तं०- कंकोवमे बिलोवमे नाममंसोवमे पुत्तमंसोवमे
|
[ मुनि दीपरत्नसागर संशोधितः ]
[67]
[ ३-ठाणं]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |