Page Text
________________
चउहिं ठाणेहिं लोउज्जोते सिया तं जहा- अरहंतेहिं जायमाणेहिं, अरहंतेहिं पव्वयमाणेहिं, अरहंताणं नाणुप्पायमहिमासु, अरहंताणं परिनिव्वाणमहिमासु ।
ठाणं-४, उद्देसो-३
एवं देवंधगारे देवुज्जोते देवसन्निवाते देवुक्कलिताते देवकहकहते चउहिं ठाणेहिं देविंदा माणुस्सं लोगं हव्वमागच्छंति एवं जहा तिठाणे जाव लोगंतिता देवा माणुस्सं लोगं हव्वमागच्छेज्जा, तं० अरहंतेहिं जयमाणेहिं जाव अरहंताणं परिनिव्वाणमहिमासु ।
[३४७] चत्तारि दुहसेज्जाओ पन्नत्ताओ तं जहा - तत्थ खलु इमा पढमा दुहसेज्जा तं०- से मुंडे भविता अगाराओ अणगारियं पव्वइए निग्गंथे पावयणे संकिते कंखिते वितिगिच्छते भेयसमावणे कलुससमावण्णे निग्गंथं पावयणं नो सद्दहति नो पत्तियाति नो रोएइ, निग्गंथं पावयणं असद्दहमाणे अपत्तियमाणे अरोएमाणे मणं उच्चावयं नियच्छति विणिघातमावज्जति पढमा दुहसेज्जा,
अहावरा दोच्चा दुहसेज्जा से णं मुडे भवित्ता अगाराओ अणगारियं पव्वइए सएणं लाभेणं नो तुस्सति परस्स लाभमासाएति पीहेति पत्थेति अभिलसति परस्स लाभमासाएमाणे जाव अभिलसमाणे मणं उच्चावयं नियच्छइ विणिघातमावज्जति दोच्चा दुहसेज्जा,
अहावरा तच्चा दुहसेज्जा-से णं मुंडे भवित्ता जाव पव्वइए दिव्वे माणुस्सर कामभोगे आसाएइ जाव अभिलसति दिव्वे माणुस्सए कामभोगे आसाएमाणे जाव अभिलसमाणे मणं उच्चावयं नियच्छति विणिधातमावज्जति तच्चा दुहसेज्जा,
अहावरा चउत्था दुहसेज्जा से णं मुंडे जाव पव्वइए तस्स णं एवं भवति जया णं अहमगारवासमावसामि तदा णमहं संवाहण-परिमद्दण-गातब्भंग-गातुच्छोलणाइं लभामि जप्पभिरं च णं अहं मुंडे जाव पव्वइए तप्पभिडं च णं अहं संवाहण जाव गातुच्छोलणाइ नो लभामि, से णं संवाहण जाव गातुच्छोलणाइं आसाएति जाव अभिलसति से णं संबाहण जाव गातुच्छोलणाइं आसाएमाणे जाव णं उच्चावयं नियच्छति विणिधातमावज्जति, चउत्था दुहसेज्जा ।
चत्तारि सुहसेज्जाओ पन्नत्ताओ तं जहा- तत्थ खलुं इमा पढमा सुहसेज्जा - से णं मुंडे भवित्ता अगाराओ अणगारियं पव्वइए निग्गंथे पावयणे निस्संकिते निक्कंखिते निव्वितिगिच्छिए नो भेदसमावण्णे नो कलुससमावण्णे निग्गंथं पावयणं सद्दहइ पत्तियइ रोएति निग्गंथं पावयणं सहमाणे पत्तियमाणे रोएमाणे नो मणं उच्चावयं नियच्छति नो विणिघातमावज्जति पढमा सुहसेज्जा,
अहावरा दोच्चा सुहसेज्जा- से णं मुंडे जाव पव्वइए सएणं लाभेणं तुस्सति परस्स लाभं नो आसाएति नो पीहेति नो पत्थेति नो अभिलसति परस्स लाभमणासाएमाण जाव अणभिलसमाणे नो मणं उच्चावयं नियच्छति नो विणिघातमावज्जति, दोच्चा सुहसेज्जा,
अहावरा तच्चा सुहसेज्जा से णं मुंडे जाव पव्वइए दिव्वमाणुस्सर कामभोगे नो आसाएति जाव नो अभिलसति दिव्वमाणुस्सए कामभोगे अणासाएमाणे जाव अणभिलसमाणे नो मणं उच्चावयं नियच्छति नो विणिघातमावज्जति, तच्चा सुहसेज्जा,
अहावरा चउत्था सुहसेज्जा से णं मुंडे जाव पव्वइए तस्स णं एवं भवति - जइ ताव अरहंता भगवंतो हट्ठा अरोगा बलिया कल्लसरीरा अण्णयराइं ओरालाई कल्लाणाइं विउलाई पयताइं पग्गहिताइं महाणुभागाई कम्मक्खयकरणाइं तवोक्कमाइं पडिवज्जंति किमंग पुण अहं अब्भोवगमिओवक्कमियं वेयणं नो सम्मं सहामि खमामि तितिक्खेमि अहियासेमि ममं च णं अब्भोवगमिओवक्कमियं वेयणं नो
[मुनि दीपरत्नसागर संशोधितः ]
[64]
[ ३-ठाणं]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |