Page Text
________________
दास
[९४३] दिट्ठिवायस्स णं दस नामधेज्जा पन्नत्ता तं जहा- दिट्ठिवाएति वा हेउवाएति वा भूयवाएति वा तच्चावाएति वा सम्मावाएति वा धम्मावाएति वा भासाविजएति वा पव्वगतेति वा अनुजोगगतेति वा सव्वपाणभूतजीवसत्तसुहावहेति वा ।
[९४४] दसविधे सत्थे पन्नत्ता (तं जहा)[९४५] सत्थमग्गी विसं लोण सिणेहो खारमंबिलं ।
दुप्पउत्तो मणो वाया काओ भावो य अविरती ।। [९४६] दसविहे दोसे पन्नत्ता (तं जहा)[९४७] तज्जातदोसे मतिभंगदोस पसत्थारदोसे परिहरणदोसे ।
सलक्खाण-क्कारण-हेउदोसे संकामणं निग्गह-वत्थदोसे ।। [९४८] दसविधे विसेसे पन्नत्ता (तं जहा)[९४९] वत्थु तज्जातदोसे य दोसे एगट्ठिएति य कारणे य पड़प्पण्णे ।
दोसे निच्चेहिय अट्ठमे अत्तणा उवणीते य विसेसेति य ते दस ।।
[९५०] दसविधे सुद्धवायाणुओगे पन्नत्ता तं जहा- चंकारे मंकारे पिंकारे सेयंकारे एगत्ते पुधत्ते संजूहे संकामित्ते भिन्न |
[९५१] दसविहे दाणे पन्नत्ता (तं जहा)[९५२] अनुकंपा संगहे चेव भये कालुणिएति य लज्जाए गारवेणं च ।
अहम्मे उण सत्तमे धम्मे य अट्ठमे वृत्ते काहीति य कंतति य ।।
[९५३] दसविधा गती पन्नत्ता तं जहा- निरयगती निरयविग्गहगती तिरियगती तिरियविग्गहगती [मणुयगती मणुयविग्गहगती देवगती देवविग्गहगती] सिद्धिगती सिद्धिविग्गहगती |
[९५४] दस मुंडा पन्नत्ता तं जहा- सौतिदियमुंडे [चक्खिंदियमुंडे धाणिंदियमुंडे जिब्भिंदियमुंडे] फासिंदियमुंडे कोहमुंडे [माणमुंडे मायामुंडे] लोभमुंडे सिरमुंडे ।
[९५५] दसविधे संखाणे पन्नत्ता (तं जहा)[९५६] परिकम्मं ववहारो रज्ज रासी कला-सवण्णे य ।
जावंतावति वग्गो धण्णो य तह वग्गवग्गोवि कप्पो य ।। ठाणं-१०
[९५७] दसविधे पच्चक्खाणे पन्नत्ता (तं जहा)[९५८] अणागयमतिक्कंतं कोडीसहियं नियंटितं चेव सागारमणागारं ।
परिमाणकडं निरवसेसं संकेयगं चेव अद्धाए पच्चक्खाणं दसविहं त् ।। [९५९] दसविहा सामायारी पन्नत्ता (तं जहा)[९६०] इच्छा मिच्छा तहक्कारो आवस्सिया य निसीहिया आपुच्छणा य पडिपुच्छा ।
छंदणा य निमंतणा उवसंपया य काले सामायारी दसविहा उ ।।
[९६१] समणे भगवं महावीरे छउमत्थकालियाए अंतिमराइयंसी इमे दस महासुमिणे पासित्ता णं पडिबुद्धे तं जहा- एगं च णं महं घोररूवदित्तधरं तालपिसायं सुमिणे पराजित्तं पासित्ता णं पडिबुद्धे, एगं च णं महं सुक्किलपक्खगं पुंसकोइलगं सुमिणे पासित्ता णं पडिबुद्धे, एगं च णं महं
[मुनि दीपरत्नसागर संशोधित:]
[134]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |