Page Text
________________
चित्तविचित्तपक्खगं पुंसकोइलं सुविणे पासित्ता णं पडिबुद्धे, एगं च णं महं दामदुगं सव्वं रयणामयं सुमिणे पासित्ता णं पडिबुद्धे, एगं च णं महं सेतं गोवग्गं सुमिणे पासित्ता णं पडिबुद्धे,
___एगं च णं महं पउमसरं सव्वओ समंता कुसुमितं सुमिणे पासित्ता णं पडिबुद्धे, एगं च णं महं दिणयरं तेयसा जलंतं सुमिणे पासित्ता णं पडिबुद्धे एगं च णं महं हरिवेरुलिय-वण्णाभेणं नियएणमंतेणं माणुसुत्तरं पव्वत्तं सव्वतो समंता आवेढियं परिवेढियं सुमिणे पासित्ता णं पडिबुद्धे, एगं च णं महं मंदरे पव्वते मंदरचूलियाए उवरिं सीहासणवरगयमत्ताणं समिणे पासित्ता णं पडिबुद्धे ।
जण्णं समणे भगवं महावीरे एगं च णं महं घोररूवदित्तधरं तालपिसायं सुमिणे पराजितं पासित्ता णं पडिबुद्धे तण्णं समजेणं भगवता महावीरेणं मोहणिज्जे कम्मे मूलओ उग्घाइते, जण्णं समणे भगवं महावीरे एगं च णं महं सक्किलपक्खगं पंसकोइलगं समिणे पासित्ता णं पडिबुद्धे तण्णं समणे भगवं महावीरे सक्कज्झाणोवगए विहरइ, जण्णं समणे भगवं महावीरे एगं च णं महं चित्तविचित्तपक्खगं पुसकोइलं सुविणे पासित्ता णं पडिबुद्धे तण्णं समणे भगवं महावीरे सुसमय-परसमयियं चित्तविचित्तं
द्वालसंगं गणिपिडगं आधवेति पण्णवेति परूवेति दंसेति निदंसेति उवदंसेति तं जहा- आयारं जाव दिद्विवायं, जण्णं समणे भगवं महावीरे एगं च णं महं दामद्गं सव्वरयणा मयं समिणे पासित्ता णं पडिबुद्धे तण्णं समणे भगवं महावीरे दुविहं धम्मं पण्णवेंति तं जहा- अगारधम्म च,
जण्णं समणे भगवं महावीरे एगं च णं महं सेतं गोवग्गं सुमिणे पासित्ता णं पडिबुद्धे तण्णं समणस्स भगवओ महावीरस्स चाउव्वण्णाइण्णे संघे तं जहा- समणा समणीओ सावगा सावियाओ, जण्णं समणे भगवं महावीरे एवं च णं महं पउमसरं सव्वओ समंता कुसुमितं सुमिणे पासित्ता णं पडिबुद्धे तण्णं समणे भगवं महावीरे चउव्विहे देवे पण्णवेति तं जहा- भवणवासी वाणमंतरे जोइसिए वेमाणिए, जण्णं समणे भगवं महावीरे एगं च णं महं सागरं उम्मी-वीची-जाव पडिबुद्धे तं णं समणेणं भगवता महावीरेणं अणादिए अणवदग्गे दीहमद्धे चाउरंते संसारकंतारे तिण्णे, जण्णं समणे भगवं महावीरे एगं च णं महं दिणयरं जाव पडिबुद्धे तण्णं समणस्स भगवओ महावीरस्स अनंते अनुत्तरे जाव सम्प्पण्णे, जण्णं समणे भगवं महावीरे एगं च णं महं हरि-वेरुलिय जाव पडिबुद्धे तण्णं समणस्स भगवओ महावीरस्स सदेवमणयासुर लोगे उराला कित्ति-वण्ण-सद्दसिलोगा परिगव्वंति-इति खल समणे भगवं महवीरे इति० जण्णं समणे भगवं महावीरे एगं च णं महं मंदरे पव्वते मंदरचूलियाए उवरिं जाव पडिबुद्धे तण्णं समणे भगवं महावीरे सदेवमण्यासुराए परिसाए मज्झगते केवलिपन्नत्तं धम्मं आधवेति पण्णवेत्ति जाव उवदंसेति । ठाणं-१०
[९६२] दसविधे सरागसम्मइंसणे पन्नत्ता (तं जहा)[९६३] निसग्गुवएसरुई आणारुई सुत्तबीयरुइ मेव ।
अभिगम वित्थाररूई किरिया-संखेव-धम्मरुई ।। [९६४] दस सण्णाओ पन्नत्ताओ तं जहा-आहारसण्णा जाव परिग्गहसण्णा, कोहसण्णा जाव लोभसण्णा लोगसण्णा ओहसण्णा ।
नेरइयाणं दस सण्णाओ एवं चेव, एवं निरंतरं जाव वेमाणियाणं ।
[९६५] नेरइया णं दसविधं वेयणं पच्चणभवमाणा विहरंति तं जहा- सीतं उसिणं खुधं पिवासं कंडु परज्झं भयं सोगं जरं वाहिं ।
[मुनि दीपरत्नसागर संशोधित:]
[135]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |