Page Text
________________
तत्थ बाहिरब्भंतरिया परिसा भवति सावि य णं आढाइ परिजाणाति महारिहेणं आसणेणं उवनिमंतेति भासंपि य से भासमाणस्स जाव चत्तारि पंच देवा अणुत्ता चेव अब्भुटुंति-बहं देवे भासउ-भासउ ।
से णं ताओ देवलोगाओ आउक्खएणं जाव चइत्ता इहेव माणुस्सए भवे जाइं इमाइं कुलाई भवंति-इड्ढाइं जाव बहुजणस्स अपरिभूताई तहप्पगारेसु कुलेसु पुमत्ताए पच्चायाति, से णं तत्थ पुमे भवति सुरूवे सुवण्णे सुगंधे सुरसे सुफासे इढे कंते पिए मणुण्ण मणामे अहीणस्सरे जाव मणामस्सरे आदेज्जवयणे पच्चायाते, जावि य से तत्थ बाहिरब्भंतरिया परिसा भवति सावि य णं आढाति जाव बहं अज्जउत्ते भासउ-भासउ |
[७०३] अट्ठविहे संवरे पन्नत्ते तं जहा- सोइंदियसंवरे जाव फासिदियसंवरे, मणसंवरे, वइसंवरे, कायसंवरे,
अट्ठविहे असंवरे पन्नत्ता तं जहा- सोतिदियअसंवरे जाव कायअसंवरे । [७०४] अट्ठ फासा पण्णत्ता तं जहा- कक्खडे मउए गरुए लहुए सीते उसिणे निद्धे लक्खे ।
[७०५] अद्वविधा लोगद्विती पण्णत्ता तं जहा- आगासपतिद्विते वाते, वातपतिहिते ठाणं-८
उदही, उदधिपतिद्विता पढवी पढविपतिहिता तसा थावरा पाणा, अजीवा जीव-पतिद्विता जीवा कम्मपतिद्विता, अजीवाजीवसंगहीता, जीवा कम्मसंगहीता ।
[७०६] अट्ठविहा गणिसंपया प० तं जहा- आचारसंपया सुयसंपया सरीरसंपया वयणसपया वायणासंपया मतिसंपया पओगसंपया संगहपरिण्णा नाम अट्ठमा ।
[७०७] एगमेणे णं महानिही अट्ठचक्कवालपतिट्ठाणे अट्ठजोयणाई उड्ढं उच्चत्तेणं पन्नत्ता
[७०८] अट्ठ समितीओ पण्णत्ताओ तं जहा- इरियासमिती, भासासमिती, एसणासमिती, आयाणभंड-मत्त-निक्खेवणासमिती, उच्चार-पासवण-खेल-सिंधाणंजल्ल-परिठावणियासमिती, मणसमिती, वइसमिती, कायसमिती ।।
[७०९] अहहिं ठाणेहिं संपन्ने अणगारे अरिहति आलोयणं पडिच्छित्तए तं जहा- आयारवं आधारवं ववहारवं ओवीलए पकव्वए अपरिस्साई निज्जावए अवायदंसी ।
अट्ठहिं ठाणेहिं संपन्ने अणगारे अरिहति अत्तदोसमालोइत्ताए तं जहा जातिसंपण्णे कुलसंपन्ने विनयसंपन्ने नाणसंपन्ने दंसणसंपन्ने चरित्तसंपन्ने खंते दंते ।
[७१०] अट्ठविहे पायच्छित्ते पन्नत्ता तं जहा- आलोयणारिहे पडिक्कमणारिहे तभयारिहे विवेगारिहे विउसग्गारिहे तवारिहे छेयारिहे मूलारिहे ।
[७११] अट्ठा मयट्ठाणा पन्नत्ता तं जहा- जातिमए कुलमए बलमए रूवमए तवमए सुतमए लाभमए इस्सरियमए ।
७१२] अट्ठ अकिरियावाई पण्णत्ता तं जहा- एगावाई अनेगावाई मितवाई निम्मितवाई सायवाई समुच्छेदवाई नितावाई नसंतिपरलोगवाई।
[७१३] अट्ठविहे महानिमित्ते पन्नत्ता तं जहा- भोमे उप्पाते सविणे अंतलिक्खे अंगे सरे लक्खण वंजणे ।
[७१४] अट्ठविधा वयणविभत्ती पण्णत्ता तं जहा- |
[मुनि दीपरत्नसागर संशोधित:]
[111]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |