________________
त्रिषष्टिशलाकापुरुषचरित्रम् समवसरणादिकं च प्राग्वत् । समायाताः शक्रादयः । कृता प्रभुणा देशना
दृष्ट्वान्यान् धनपुत्रमित्रमुदितान्, क्लीबः समुत्कण्ठते, जीवस्तल्ललिताय सद्व्यवहति-धर्माय नोष्मायते। चिन्तारत्ननिधानवादविवर-स्यर्थोपलाद्याशया, देशाद् देशमपेशलेन विधिना, भ्राम्यत्यसौ केवलम् ।।१०७।।
(शार्दूलविक्रीडितम्) इत्याद्याकर्ण्य प्रतिबोधं प्राप्य प्रभूताः प्राणिनः प्रवव्रजुर्जगृहुश्च सम्यक्त्वादिकम्। वज्रनाभप्रमुखाश्च प्रभुणा षोडशाधिकं शतं स्थापिता गणभृतः । प्रभुतीर्थे च श्यामो यक्षः स च गजस्थो मातुलिङ्गाक्षसूत्रदक्षिणदोर्द्वयो नकुलाङ्कुशभृद्वामभुजद्वयः। कालिका शासनदेवी। सा च श्यामा वार द पाशिदक्षिणद्विभुजा नागाङ्कुशभृद्वामभुजयुग्मा।।
__ प्रभोश्च सर्वपरिवारे त्रिलक्षी साधूनाम्, सत्रिंशत्सहस्री षड्लक्षी साध्वीनाम्, अष्टानवतिशती अवधिज्ञानिनाम्, पञ्चदशशती चतुर्दशपूर्विणाम्, ससार्द्धषट्शती एकादशसहस्री मनःपर्ययिणाम्, चतुर्दशसहस्री केवलिनाम्, एकोनविंशतिसहस्री वैक्रियलब्धिमताम्, एकादशसहस्री वादिनाम्, साष्टाशीतिसहस्री द्विलक्षी श्रावकाणाम्, ससप्तविंशतिसहस्री पञ्चलक्षी श्राविकाणाम् ।।
आसन्नमोक्षश्च प्रभुर्मुनिसहस्रेण समं सम्मेताद्रौ गत्वा मासिकेनाऽनशनेनोर्ध्वस्थित एव वैशाखसिताष्टम्यां पुष्ये क्षीणाशेषकर्मा मोक्षसुखमग्नो बभूव । कौमारे पूर्वाणां सार्द्धा द्वादशलक्षाः । राज्येऽष्टपूर्वाङ्गयुताः सार्द्धाश्च षट्त्रिंशत्पूर्वलक्षाः । व्रतेऽष्टपूर्वाङ्गोनं पूर्वलक्षम् । एवं पञ्चाशत्पूर्वलक्षाः प्रभोः सर्वायुः । श्रीसम्भवमोक्षात् सागरोपमाणां दशसु कोटिलक्षेषु गतेष्वभिनन्दनजिनमोक्षः मोक्षमहिमा च प्राग्वत्।।
येषामिदं जिनपतेरभिनन्दनस्य, हृद्याश्रयं भजति कौस्तुभवचरित्रम् ।
Jain Educationa International
For Personal and Private Use Only
www.jainelibrary.org
