Page Text
________________
त्रिषष्टिशलाकापुरुषचरित्रम् नवनवतिसुवर्णशलाका- सहस्रयुक्तं दृढदण्डं छत्ररत्नं धृतम् । मध्यभागे तेजोहेतोर्दण्डमूले स्थापितं मणिरत्नम् तच्च चर्मरत्नच्छत्ररत्नसम्पुटं तरत्सप्ताहोरात्री स्थितम् । अष्टमदिने चुकोप चक्री । ततो मेघमुखास्ते नागकुमाराः प्रवोधिताः दण्डं च भरतस्य दापिताः। चक्रिणापि सत्कृत्य मुक्तास्ते किराताः ।।
सेनानीः सिन्धोरुत्तरं निष्कुटं साधयित्वा प्राग्वदायातः । चक्रं च पूर्वमार्गेण लघुहिमवद्रेिर्दक्षिणनितम्बे चक्रिणा सह प्राप्तम् । अष्टमतपोऽन्ते चक्री रथमारुह्य रथतुण्डेन त्रिस्तं पर्वतमताडयत् । धनुरारोप्य शरं च चिक्षेप । स च शरो द्वासप्ततिं योजनान्याकाशे गत्वा हिमवत्कुमारस्याग्रे पतितः । शरनामाक्षरालोकनात् सोऽपि शान्तः सन् पारिजातपुष्पमालां गोशीर्षचन्दनं सर्वाश्चौषधीस्तीर्थोदकं कटकान् बाहुरक्षान् देवदूष्याणि च प्राभृते कृतवान् शरं चार्पयन् । चक्रयप्याष्टाह्निकापूर्वं तं विसृज्य, ऋषभकूटाद्रौ गत्वा तमपि रथतुण्डेन त्रिरताडयत्, काकिणीरत्नेन च स्वाभिधानं पूर्वकटके लिलेख ।।
ततश्चक्रानुगो गङ्गासिन्धोरन्तरालाध्वना वैताढ्योत्तरनितम्बे गत्वा समावासितः नमिविनम्योर्दण्डग्रहणाय शरं प्रहितवान् । तौ च तद्दर्शनात् कुपितौ । ताभ्यां समेत्य भरतेन सह द्वादशवर्षाणि यावद् युद्धं कृतम् । पश्चाज्जितौ तौ। विनमिना स्थिरनखकेशयौवना सर्वरोगशमनी यथाकामीनशीतोष्णस्पर्शा सर्वलक्षणसम्पूर्णा सर्वद्धिसहिता स्वदुहिता सुभद्रेति नाम्ना स्त्रीरत्नमिति भरतस्य प्रदत्ता । रत्नानि च भूयांसि नमिनापि प्रदत्तानि । ततो नमिविनमी भरतमनुज्ञाप्य भवविरक्तौ श्रीऋषभदेवपादान्ते प्रवव्रजतुः ।।
ततश्चक्रानुसारी जाह्नवीसदनस्यासन्नभूभागे गत्वा ददावावासान् । सुषेणश्च सिन्धुवद्गङ्गामप्युत्तीर्य साधयित्वा गाङ्गमुत्तरनिष्कुटं सम्प्राप्तः । चक्रिणा चाष्टमभक्तेन स्मृता गङ्गादेवी । साप्यागत्य रत्नसिंहासनद्वयमष्टोत्तररत्नकुंभसहस्रं च ददौ । तत्र च तत्पार्श्वे वर्षसहस्रं स्थितो नाना सुखेन चक्री ।।
चिन्तायाः समनन्तरं कुलकृतां, त्वत्पूर्वजानां सुराः, सर्वेषां ददति स्म कामिकफलं, कल्पद्रुमाऽन्तर्हिताः।
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |