Page Text
________________
त्रिषष्टिशलाकापुरुषचरित्रम् प्राग्वत्सिन्धुमुत्तीर्यायातश्चक्रिणोऽन्तिके । ढौकितानि प्राभृतानि । सम्मान्य प्रसाददानादिना प्रहितस्तमिस्राकपाटसमुद्घाटनाय सेनानीः । सोऽपि गत्वा गुहाभ्यण कृतमालं स्मर्तुमष्टमं कृत्वा कृतस्नानादिकर्मा सौवणे धूपदहने धूपमुत्क्षिप्याष्टाह्निकां कृत्वा हयरत्नारूढः सप्ताष्टपदापसरणपूर्वं दण्डरत्नेन कपाटौ त्रिस्ताडयामास । तौ च तडत्कारं कुर्वाणौ कपाटौ सहसैवोजघटाते।।
__ चक्री च हस्तिरत्नमारुह्य सर्वोपद्रवद्रावकं शस्त्रघातप्रतिघातकं यक्षसहस्रेणाधिष्ठितं सूर्यवदुद्योतकं दक्षिणे कुम्भिकुम्भस्थले मणिरत्नं निवेश्य सर्वसन्नाहेन चक्रानुगः प्रविष्टो गुहान्तः । अष्टसुवर्णप्रमाणेन षट्तलेन द्वादशास्त्रिकेण यक्षसहस्राधिष्ठितेन द्वादशयोजनान्धकारनिवारकेण काकिणीरत्नेन गोमूत्रिकाक्रमेण द्वयोरपि गुहापार्श्वयोर्योजनान्ते योजनान्ते पञ्चधनुःशतायामानि एकयोजनोद्योतकारीणि एकोनपञ्चाशन्मण्डलानि कृतानि चक्रिणा । तानि च यावञ्चक्रवर्ती जीवति, यावञ्च गुहा विवृतकपाटा वर्तते, तावत्तिष्ठन्ति । तदुद्योतेन सुखं सञ्चरिता सर्वापि चमूः । यत्र क्षिप्ता शिलाऽपि तुम्बीफलवदुन्मज्जति सा उन्मना। यत्र तुम्बीफलमपि शिलावन्मज्जति सा निमग्ना । ते द्वे अपि नद्यौ वर्द्धकीरत्नकृतया पद्यया चक्री ससैन्योऽप्युत्तीर्य प्राप्तवानुत्तरं द्वारम् । प्रेवेशकपाटोद्घाटनस्वरश्रुत्यैवोत्तरद्वारकपाटा- वुद्घटितौ । चक्रपृष्ठानुगामी निर्गतश्चक्री पञ्चाशद्योजनाऽऽयामाया गुहाया मध्याद् गतो विजेतुमुत्तरभरतार्द्धम् । तत्रायाता नाम किराता दुर्जया धनिनश्च । तैः कृतं युद्धमग्रानीकेन समं पराङ्मुखीभूतं चक्रिसैन्यम् । ततः सुषेणः सेनानीस्तुरगरत्नारूढः खड्गरत्नं गृहीत्वा प्रविष्टो रणे । पराजिताः सन्तः किराताः प्रणश्य सिन्धोस्तटे गत्वा उत्तानीभ्याष्टमतपसा नागकुमारान् स्मृतवन्तः । प्राप्ताश्च नागकुमारदेवाः। तैः प्रोक्तं भो भा मेघमुखा [अस्मद्देशं पूर्वमनाक्रान्तम् । कोऽपि आगतोऽधुना । यथा स गच्छति तथा कुरुत । तत् श्रुत्वा चोचुमेघमुखाः । भरतोऽ]यं चक्री शक्रस्याऽपि मान्यो न सामान्योऽसौ तथाऽप्यस्य भवदुपरोधादुपद्रवं करिष्याम इत्युक्त्वा ते तिरोभूय महावृष्टिं कर्तुं प्रवृत्ताः । तां च वृष्टिमरिष्टमिति ज्ञात्वा चक्रिणा चर्मरत्नस्योपरि निवेशितं सैन्यम्, तस्य चोपरि धाराजलनिवारणाय चर्मरत्नप्रमाणं
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |