________________
त्रिषष्टिशलाकापुरुषचरित्रम् दृष्टम् । सोमप्रभेण च राज्ञा स्वप्ने कश्चिन्महापुरुषो वैरिभिरभिभूतः । श्रेयांससाहाय्यात्तेन ते निर्जिता इति दृष्टम् । प्रातस्त्रयोऽपि मिलित्वा विमर्श प्रवृत्ताः परं नोन्मेषः कोऽपि सञ्जातः, ततो गताः स्वं स्वं गृहम् । श्रेयांसगृहे समायातस्तदैव प्राभृते प्रचुरतर इक्षुरसः । प्रभुरपि निजक्रमेणागच्छन् प्राप्तो गजपुरम् । स्थाने स्थाने नमस्क्रियमाणो नागरैरागतः श्रेयांसगृहे । मध्यादभिधाव्य भूलुठनपूर्वं श्रेयांस संमुखमेत्य नत्वा च प्रवृत्तो विज्ञपयितुम् ।।
भृत्योऽस्मीति न निःस्पृहेषु रुचिरं कार्यं समादिष्यतामित्यस्ताखिलकर्मणामसदहं पुण्यस्त्विति स्वस्तुतिः । सर्वस्वं त्वदधीनमित्यभिनवं किं स्वामिनं प्रत्यदस्तत् किं विज्ञपयामि कामिव करोम्यऽर्चा च मामादिश ।।५९।।
____ (शार्दूलविक्रीडितम्) इत्यादि विज्ञपयन् प्रभुणैव समं प्रविष्टो गृहमध्यम् । कुत्रापीदृग् मया स्वरूपं दृष्टमित्यूहापोहपरश्चोत्पन्नजातिस्मरणो विवेद सर्वम्। यदयं प्रभुः प्राग्भवे वज्रसेनतीर्थकरपुत्र आसीत् । अहं त्वस्य सारथिरासम् । तीर्थकरेणैव तदानीं मे कथितम् । यदसौ भरतक्षेत्रे तीर्थकरो भविष्यतीति । तनिश्चितं तीर्थकरोऽयं पितामहश्च मेऽस्मिन् भवे। तदवश्यं मयास्य कायैव भक्तिः । परं तपसाऽतिमात्रं क्षामः स्वामी। धिगज्ञातदानधर्मममुं लोकम् ।।
यत्कल्पःसमकल्पिकल्पतरुणा-ऽप्येकेन्द्रियेणादितो, यद्यच्छन् कठिनोऽपि न स्पृहयति, प्रान्ताय चिन्तामणिः। आबाल्यात् पशुरप्युपासितवती, यत्कामधेनुः स्वयम्, तद्दानं पटुचेतनैरपि नरैः, किंनाम नाराध्यते ? ।।६० ।। (शार्दूलविक्रीडितम्)
इत्यादि हृदि भावयन् सहसैवेक्षुरसकुम्भमुल्लास्य भगवन् कल्प्योऽयं रस इत्युवाच । प्रभुणापि धृतं पाणिपात्रं लोठितास्तेनेक्षुरसकुम्भाः । प्रभुपाणितः परं न
Jain Educationa International
For Personal and Private Use Only
www.jainelibrary.org
