Page Text
________________
त्रिषष्टिशलाकापुरुषचरित्रम्
ललिताङ्गेनोक्तम् । यद्यप्येवं तथापि न प्रियामन्तरेण क्षणमपि स्थातुं शक्तोमि । ततो देवः क्षणं सावधानो भूत्वा प्रोवाच । स्थिरीभव, लब्धा मया भवत्प्रिया ।।
८
I
धातकीखण्डे प्राग्विदेहेषु नन्दिग्रामे दरिद्रस्य श्रेष्ठिनो नागिलस्य सप्तानां पुत्रीणामुपर्यष्टमी कुरूपात्यन्तनिर्भाग्या पुत्री जाता । तस्यां जातायां प्रणश्य क्वापि गतः पिता । अभिधानमपि न केनापि तस्याः प्रदत्तम् । ततो निर्नामिकेति जनैरुच्यमाना प्राप्ता वृद्धिम् । जीवति च दुष्कर्मवृत्त्या । एकदाऽम्बरतिलकगिरौ गता सा दार्वाद्याऽऽनेतुम् । दृष्टस्तत्र तया तत्कालोत्पन्नकेवलज्ञानः सुरनिर्मितस्वर्णसिंहासनासीनः सभायां धर्मं समुपदिशन् युगन्धरनामा मुनिः । गत्वा वन्दितः सप्रमोदं, मुनिनाऽपि दुःखितेति विशेषतः प्रदत्ता तस्याऽनुशास्तिः ।।
क्षेत्रं कलत्रमशनं वसनं धनं च,
येषां समस्ति सुखिनो नियमान्न तेऽपि ।
एतद्विपर्ययजुषोऽपि न दुखिनः स्यु
रज्ञानतैव परमार्थवशेन दुःखम् ।। ३३ ।। ( वसन्ततिलका)
यद्यत्समाचरति मूढमतिः सुखाय, तत्तत्सुखभ्रमकृदायतिदुःखदं तत् । ज्ञानी हि कर्मविगमाय करोति यत्नम्,
निष्कर्मकस्य सुखमेव न दुःखलेशः ।। ३४ ।। ( वसन्ततिलका)
इत्यादि श्रुत्वा प्रतिबुद्धा सा । प्रपन्ना च सम्यक्त्वमूलं श्रावकधर्मम् । दुर्भगेति न केनापि सा परिणीता । सम्प्रति च गृहीतानशना तत्रैवाऽद्रौ पुनरागतस्य तस्यैव मुनेः पार्श्वे विद्यते । तद्गत्वा त्वं, तस्याः स्वं प्रदर्शय । येन त्वद्रागिणी मृत्वा सा स्वयम्प्रभैव समुत्पद्यते । तेनापि कृतं तथा । साऽपि तेन निदानेत मृत्वा, समुत्पन्ना स्वयम्प्रभा। ततः परं प्राग्वदवियुक्तौ तौ भूयासं कालमतिवाहितवन्तौ । अन्यदा ललिताङ्गस्याऽऽ सन्नच्यवनचिह्नान्युत्पन्नानि । तदानीं चेशानेन्द्राऽऽदेशाद दृढधर्मदेवः समायातस्तदाऽऽह्वानाय । तत तेन सह गत्वा कृता नन्दीश्वरे यात्रा
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |