________________
त्रिषष्टिशलाकापुरुषचरित्रम् पूर्वाणि भासन्ति चतुर्दशेति, भव्यानिव ज्ञापयितुं तदुक्तीः । चतुर्दशग्रन्थशतान्यकार्षीद, यस्तं स्तुमः श्रीहरिभद्रसूरिम् ।।६।।
(उपजातिः) श्रीहेमसूरेर्मुनिवृन्दवृन्दा-रकस्य तस्याऽस्तु नतिर्मदीया । यद् ग्रन्थसिद्धाञ्जनसजयेव, चक्षुर्निरीक्षेत जनोऽखिलार्थान् ।।७।।
(इन्द्रवज्रा) व्यामोहहालाहलदूषितं मे, प्रबोधशक्त्यद्भुतमन्त्रजापात् । चैतन्यमुल्लासितमञ्जसा यैर्जयन्तु ते श्रीमलधारिपादाः ।।८।।
(उपजातिः) दोषान् गुणान् सत्कृतिषु ब्रुवन्तौ, शक्यौ निरोद्धं खलसजनौ न । स्तवास्तवाभ्यामपि निष्फलं हि, सङ्कीर्तनं शास्त्रमुखे तयोस्तत् ।।९।।
(इन्द्रवज्रा) प्रबन्धः पङ्गुवत् कश्चित्, गृहान हि बहिर्ब्रजेत् । अरुणोदयवत् कोऽपि, विश्वं व्याप्नोति तत्क्षणात् ।।१०।। यादृग्गर्भगतस्य याति समय-स्तादृक्ष एवाङ्गिनो, बाल्येऽपि व्रजति स्मरज्वरभृतो, यूनो विवेकः कुतः । शक्तिः कैव जरागमे तदनयो-रन्तर्दिनान्यल्पकान्यालस्यं परिहत्य कृत्यविषये, किञ्चिन्मनो दीयताम् ।।११।।
(शार्दूलविक्रीडितम्) कलिः कालः क्रोधप्रमुखगुरुदोषैः कलुषितो, वपुष्मन्तश्चिन्ताभरविधुरचित्ताश्चिरममी । कुतो धर्मध्यानं धृतिरपि कुतः कुत्र सुखिता, मितं चायुस्तस्मात् कुरुत सुकृतं शक्तिवशतः।।१२।। (शिखरिणी)
Jain Educationa International
For Personal and Private Use Only
www.jainelibrary.org
