Page Text
________________
१३६
त्रिषष्टिशलाकापुरुषचरित्रम्
नन्द्यावर्तलाञ्छनस्त्रिंशद्धनूच्चश्चतुरशीतिवर्षलक्षायुर्ज्ञानत्रयधरः सर्वलक्षणसम्पूर्णः पुत्रो जातः । जन्मोत्सवश्च प्राग्वत् । स्वप्ने सौवर्णारकदर्शनात् प्रभोरर इति कृतं नाम । प्राप्तयौवनः प्रधानराजपुत्रीं पित्रा महोत्सवपूर्वं परिणायितः । जन्मतो वर्षाणामेकविंशतौ सहस्रेषु गतेषु पित्राऽभिषिक्त राज्ये । एतावतश्च कालस्यान्तेऽस्त्रशालायां चक्ररत्नमुत्पन्नम्। अन्यान्यपि त्रयोदशरत्नानि यथास्थानमुत्पन्नानि । साधितं लीलयैव षट्खण्डमपि भरतक्षेत्रम् ।।
पूर्वोक्तमेवकालं चक्रित्वेऽतिक्रम्य सांवत्सरिकं दानं दत्त्वा कृतषष्ठः शक्रादिकृतनिष्क्रमणोत्सवः सहस्राम्रवणे गत्वा राज्ञां सहस्रेण सह मार्गशुक्लैकादश्यां रेवत्यां पश्चिमेऽह्नि वयसि च शक्रन्यस्तदेवदूष्यधारी कृतपञ्चमुष्टिककेशोत्पाटः सर्व सावद्यं मया निषिद्धमिति चारित्रं प्रतिपन्नवान् प्रभुः । समुत्पन्नं मन:पर्ययज्ञानं प्रभोः । शक्रोऽपि क्षीराब्धिक्षिप्तप्रभुकेशः कृतनन्दीश्वरयात्रः प्राप्तवान् स्वं स्थानम् । राजपुरेऽपराजित नृपगृहे द्वितीयेऽह्नि परमान्नेन चकार प्रभुः पारणम् । जातानि तत्र पञ्चदिव्यानि । प्रभुश्चाऽन्यत्राऽनासीनोऽशयानश्च वर्षत्रयीं यावद् विहृत्य पुनः सहस्राम्रवणमायातः। कृतषष्ठस्य च सहकारमूले ध्यानस्थस्य कार्तिकशुक्लद्वादश्यां रेवत्यां प्रभोः पूर्वाह्ने घातिकर्मक्षयात् केवलज्ञानमुत्पन्नम् । समवसरणादिकं च प्राग्वत्। समायाताः शक्रादयः । कृता प्रभुणा देशना -
अयनर्तुदिननिशानामिव भूयो जन्तुजीवितस्यापि ।
आगतिरास्ते यदि तद् धर्मविधौ युक्तमालस्यम् ।।१९२ । ।
इत्याद्याकर्ण्य प्राज्याः प्राणिनः प्रवव्रजुर्जगृहुश्च सम्यक्त्वादिकम् । कुम्भप्रभृतयश्च त्रयस्त्रिंशद् गणधराः प्रभुणा स्थापिताः ।।
प्रभुतीर्थे षण्मुखो यक्षः । स च त्र्यक्षः श्यामः शङ्खस्थः । मातुलिङ्गी शङ्खी खड्गी मुद्गरी पाश्यभयदश्चेति दक्षिणषड्भुजाः । नकुल- चाप - वर्मं-शूला- ऽङ्कुशा - ऽक्षसूत्रिणोऽस्य वामाः षड्भुजाः । धारणी शासनदेवता, नीलवर्णाभा
१ ०कवच० ।।
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |