Trishashti Shalaka Purush Charitram

SR No.: 003692
Original Sutra Author: N/A
Author: Jineshchandravijay
Publisher: Rander Road Jain Sangh
Publication Year: 2008
Total Pages: 234
Language: Sanskrit
Classification: Book_Devnagari
File Size: 10 MB

Page 162

त्रिषष्टिशलाकापुरुषचरित्रम्
१३३
जम्बूद्वीपेऽत्रैव भरते हस्तिनापुरे शूरो राजा । श्रीः पट्टराज्ञी । श्रावणकृष्णनवम्यां कृत्तिकायां सिंहावहनृपजीवः सर्वार्थसिद्धविमानाच्च्युत्वा तस्याः कुक्षाववतीर्णः । वैशाखकृष्णचतुर्दश्यां कृत्तिकायां चतुर्दशस्वप्नसूचितचक्रभृत्तीर्थकृज्जन्मा स्वर्णवर्णच्छगल- लाञ्छनः पञ्चत्रिंशद्धनुर्मानः पञ्चनवतिवर्षसहस्रायुर्ज्ञानत्रयधरः सर्वलक्षणसम्पूर्णः पुत्रो जातः । जन्मोत्सवश्च प्राग्वत् । गर्भस्थे प्रभौ जनन्या स्वप्ने कुन्थुनामा रत्नसञ्चयो दृष्टः । ततः पितृभ्यां कुन्थुरिति कृतं नाम । प्राप्ततारुण्यश्च कारितो राजपुत्र्या पाणिग्रहणोत्सवं महाविभूत्या । वर्षाणां त्रयोविंशतिसहस्रेषु सार्द्धाष्टमशतेषु गतेषु पित्रा स्थापितो राज्ये । एतावत्सु च वर्षेष्वतिक्रान्तं`ष्वायुधशालायामुत्पन्नं चक्ररत्नम् । साधितं षट्खण्डमपि भरतक्षेत्रम् । जातश्चक्रवर्तित्वाभिषेकः ।।
पूर्वोक्तमेव कालं यावच्चक्रिपदं प्रपाल्य सांवत्सरिकं दानं दत्त्वा कृतषष्ठतपाः शक्रादिकृतनिष्क्रमणोत्सवो वैशाखकृष्णपञ्चम्यां कृत्तिकायां सहस्राम्रवणे गत्वा पश्चिमेऽह्नि वयसि च राज्ञां सहस्रेण समं शक्रन्यस्तदेवदृष्यधारी कृतपञ्चमुष्टिककेशोत्पाटः सर्वं सावद्यं मया निषिद्धमिति चारित्रं प्रतिपन्नवान् । मन:पर्ययज्ञानं चोत्पन्नं प्रभोः । क्षिराब्धिक्षिप्तप्रभुकेशः कृतनन्दीश्वरयात्रो गतः शक्रः स्वस्थानम् । द्वितीयेऽह्नि चक्रपुरे व्याघ्रसिंहनृपगृहे परमान्नेन चकार प्रभुः पारणम् । वसुधारादिकं तत्राविर्बभूव । षोडशाब्दीं यावदन्यत्र विहृत्य पुनः सहस्राम्रवणमेवागतः प्रभुः । तिलकद्रुमतले कृतषष्ठस्य प्रभोश्चैत्रशुक्ल तृतीयायां कृत्तिकायां घातिकर्मक्षयादुत्पन्नं पूर्वाह्न केवलज्ञानम् । समवसरणादिकं च प्राग्वत् । सम्प्राप्ताः शक्रादयः । कृता प्रभुणा देशना -
अनादिभवसम्भवा विषयवासना काप्यसौ,
तथा कथमपीन्द्रियैर्निविडमात्मनो योजिता ।
यथास्य निशि निद्रया प्रतिहतेन्द्रियव्यापृते
रपि स्फुटमनिद्रवद्विषयपञ्चकासेवनम् ।।१८८ ।। (पृथ्वी)
इत्यादिदेशनया प्रतिबुद्धाः प्राज्याः प्राणिनो जगृहुः सर्वविरतिं देशविरत्यादिकं