Page Text
________________
त्रिषष्टिशलाकापुरुषचरित्रम्
कुक्कुटः । ततो राज्ञा पठितम्
क्षेत्रं कलत्रमपि नात्र विरोधहेतुनैवात्मनो विजयतः फलमस्ति किञ्चित् ।
पक्षक्षयः किमपरं कलहः कुटुम्बे,
निष्कारणो रणरसस्तव ताम्रचूड ! ।।१७६ ।। (वसन्ततिलका)
१२३
ततश्च मनोरमया स्वकुक्कुटः समानीतस्तेन सह योधयितुम् । युध्यमानयोश्च तयोर्धनरथेन राज्ञा ज्ञानत्रयधरेणोक्तम्- अनयोर्मध्यादेकोऽपि न जेष्यते (-ति)। श्रुणुत प्राग्भववृत्तमनयोः ||
Jain Educationa International
प्रथमं द्वौ वाणिजकौ महारम्भौ निर्दयौ परस्परं युद्ध्वा मृत्वा गजौ जातौ ! तत्राप्यन्योन्यं युद्ध्वा मृत्वा च महिषौ सञ्जातौ । ततोऽपि प्राग्वद् मृत्वा मेषौ जातौ। ततश्च मृत्वा कुक्कुटाविमावुत्पन्नौ । अनयोर्भवान्तरवैरमस्ति, ततो द्वयोरपि न जय इति । ततो मेघरथकुमारेणोक्तम्- देव ! न इमावेकाकिनौ किन्तु विद्याधराधिष्ठितौ स्तः । तथा हि- धातकीखण्डे पूर्वैरवते वज्रपुरेऽभयघोषो राजा । सुवर्णतिलका भार्या । विजयो वैजयन्तश्च द्वौ पुत्रौ । अन्यदा वसन्तर्ती सान्तःपुरे राजन्युद्यानं गते शङ्खपुत्री पृथ्वीसेनाख्या राज्ञी समाकर्ण्य मुनिदेशनां प्रतिबुद्धा प्रव्रजिता च । राजापि ततः प्रभृति भावितमना दानादिधर्मरतोऽनन्तनाथपार्श्वे विजयवैजयन्ताभ्यां सह प्रव्रजितोऽर्हद्भक्त्यादिभिः स्थानैस्तीर्थकरकर्मोपार्ण्य मृत्वा चाऽच्युते गतः । ततश्युत्वा पुण्डरीकिण्यां हेमाङ्गदवज्रमालिन्यां पुत्रस्तीर्थकरस्तत्र भवान् घनरथो जातः । विजयवैजयन्तौ च जम्बूद्वीपे वैताढ्ये स्वर्णपुरे गरुडवेगनृपधृतिसेनयोश्चन्द्र- तिलकसूर्यतिलकनामानौ पुत्रौ जातौ । तौ च ज्ञानिनः पार्श्वात् प्राग्भवपितरं तत्रभवन्तं ज्ञात्वा भवद्दर्शनोपायं कुक्कुटशरीरसङ्क्रमणं कृत्वैतौ समायातौ । इमौ च इतो गत्वा प्रव्रज्य च सेत्स्यतः । इमां कथामाकर्णयन्तौ कुक्कुटावपि प्रतिबुद्धौ । सम्यक्त्वमनशनं च श्रीघनरथपार्श्वे प्रतिपद्य मृत्वा व्यन्तरौ जौ । तौ च तत्कालं विमानं विकृत्य सम्प्राप्तौ मेघरथसमीपे । स्ववृत्तान्तं
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |