Page Text
________________
त्रिषष्टिशलाकापुरुषचरित्रम्
११७ एवं च वारं-वारमनन्तवीर्यगुणानाकर्णयन्ती दमितारेः कन्या समीपोपविष्टा कनकश्रीर्जाता श्रुतानुरागहतहदया । अभिलषति स्म चेतसि यदि मामपहृत्य कोऽपि तदन्तिकं प्रापयतीति । अनन्तवीर्योऽपि तदभिप्रायमभिज्ञाय गीतान्तरेष्वपवार्यापवार्य स एवाहं रूपान्तरितस्त्वदपहारायैवागतोऽस्मीति तञ्चेतसि निवेश्य वैक्रियविमानमारूढः प्रकटमेव तामपहृत्य सममपराजितेन च प्रचलितः स्वस्थाने । दमितारिणा च पृष्ठतः प्रेषिताः स्वसुभटाः। ते च तेन विनाशिताः । ततः स्वयमागत्य दमितारिः प्रवृत्तो योद्धं ताभ्यां सह । तयोश्चोत्पन्नानि रत्नानि । दमितारिणा क्षीणास्त्रेण क्षिप्तं चक्रम् । तेनैव चक्रेणानन्तवीर्यस्तं जघान । जातौ तौ बलार्द्धचक्रिणौ । मुक्ता दिवो देवैस्तच्छिरसि पुष्पवृष्टिः ।।
ततः शाश्वततीर्थानि वन्दित्वा वैताढ्यतो निवर्तमानौ तौ वर्षोपवासिनं महाज्ञानिनं मुनिमेकं ववन्दाते । श्रुता च तद्देशना । समये च पृष्टं कनकश्रियाभगवन् ! कथं मे पितृबन्धुविरह इति । मुनिरुवाच
___ धातकीखण्डे प्राग्भरते शङ्खपुरं नाम ग्रामम्। तत्र श्रीदत्ता नाम दरिद्रास्त्री । सा भ्रमन्ती गता श्रीपर्वते । दृष्टस्तत्र सत्ययशा नाम महामुनिः । श्रुता तस्य देशना। उपदिष्टं तेन धर्मचक्रवालं नाम तस्याः तपः तस्मिंश्च द्वे त्रिरात्रे सप्तत्रिंशदहानि चतुर्थं कार्यमिति । तञ्च तपः सबहुमानं प्रतिपद्य गता सा स्वग्रामे । प्रारब्धं च तप्तुम् । तपःप्रभावाच्च समुदितं तदीयं लाभोदयं कर्म । पतितस्तद् गृहैकदेशः । मध्यान्निसृतं सुवर्णम् । विशेषतस्ततःप्रभृति चैत्यपूजादानादिकं कर्तुं प्रवृत्ता । कियत्यपि गते काले जातो विपरिणामस्तस्याः किमस्य धर्मस्य फलमस्ति न वेति । विचिकित्सामनालोच्य सा मृता । जम्बूद्वीपे पूर्वविदेहे वैताढ्ये शिवमन्दिरपुरे कनकपूज्यो राजा। वायुवेगा तद्भार्या । तयोः पुत्रोऽहं कीर्तिधर इति नाम्ना । अनिलवेगा मे पत्नी । तत्कुक्षिजातोऽर्द्धचक्री दमितारिः मया च दमितारिः राज्ये न्यस्य गृहीतं व्रतम् समुत्पन्नमद्यैव मे केवलज्ञानम् । सा च श्रीदत्ता मृत्वा त्वं कनकश्रीर्जाता । विचिकित्साफलं चेदं नानादुखैविपरिणमति, ते पितृबन्धुविरहश्च त्वयानुभूत एवेति।।
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |