Page Text
________________
त्रिषष्टिशलाकापुरुषचरित्रम्
१११ वीतशोकायां पुर्यां रत्नध्वजो राजा । कनकश्री हेममालिनी च द्वे भायें । कनकश्रियः कनकलता पद्मलता च द्वे पुत्र्यौ । हेममालिन्याः पुन: पद्मा नाम पुत्री। सा चाऽजितसेनायाः प्रवर्तिन्याः पार्श्वे प्रव्रजिता। तप्तमुग्रं तपः । एकदा बहिर्यान्त्या मदनमञ्जर्याः पण्यस्त्रियः कृते द्वौ राजपुत्रौ युध्यमानौ दृष्टौ । तत्सौभाग्यं च प्रशंसितम्। ममाऽपीदृशं सौभाग्यमस्त्विति निदानेन मृत्वा सौधर्मे देवी जाता । कनकश्रीरपि मृत्वा भवं च भ्रान्त्वा जम्बूद्वीपे महाविदेहे पुष्कलावतीविजये वैताढ्योत्तरश्रेण्यामादित्याभे पुरे सुकुण्डलिनृपपुत्रो मणिकुण्डली नाम जातः । स चाहम् । कनकलतापद्मलते च मृत्वा भवं भ्रान्त्वा जम्बूद्वीपे भरतार्द्ध रत्नपुरे श्रीषेणनृपपुत्राविन्दुषेणबिन्दुषेणौ जातौ । सौधर्मात् पद्माजीवश्च्युत्वा च कौशाम्ब्यामनन्तमतिका गणिका जाता । तन्निमित्तं तौ च सम्प्रति देवरमणोद्याने युध्यमानौ तिष्ठत इति एतदाकर्ण्य स्नेहादुत्सुकोऽहमिहायातः । युवयोरहं प्राग्भवे माता, इयं च भगिनी वामिति । ततस्ताभ्यां सभ्रमाभ्यां प्रणतो मणिकुण्डली । युद्धं त्यक्तम् । प्रतिबोधविशेषार्थं च गतौ धर्मरुचिनाम्ना गुरोः पार्श्वे । तेन सविस्तरमुपदिष्टो धर्मः। प्रतिबुद्धौ द्वावपि राजपुत्रसहस्रचतुष्टयेन समं प्रव्रज्य कर्मक्षयं कृत्वा सिद्धौ ।।
श्रीषेणप्रमुखाश्चत्वारोऽपि मृत्वा सौधर्मे देवा जाताः । अस्मिन्नेव भरते वैताढये रथनूपुरचक्रवालपुरे ज्वलनजटी विद्याधरेश्वरः। तत्पुत्रोऽर्ककीर्तिः, पुत्री च स्वयम्प्रभा । सा च श्रीमहावीरजीवेन त्रिपृष्ठेन परिणीता । अर्ककीर्तेज्योतिर्माला पत्नी । श्रीषणजीवः सौधर्माच्युत्वा तयोः पुत्रो जातः । अमिततेजा इति कृतं तत्पितृभ्यां नाम । सत्यभामाजीवोऽपि तयोरेव पुत्रीत्वेनोत्पद्य अमिततेजसो भगिनी जाता । सुतारा इति तस्याः कृतं नाम । अभिनन्दिताजीवत्रिपृष्ठस्वयम्प्रभयोः पुत्रत्वेनोत्पन्नः । श्रीविजय इति कृतं तस्य नाम । विजयभद्रश्चाऽस्य सोदरः । शिखिनन्दिताजीवस्त्रिपृष्ठस्यैव पुत्री जाता । तस्या ज्योतिःप्रभेति नाम । कपिलोऽपि भवं भ्रान्त्वा चमरचञ्चायां विद्याधरेश्वरोऽशनिघोष इति नाना जातोऽस्ति । अर्ककीर्तिसुता सुताराऽमिततेजोभगिनी त्रिपृष्ठपुत्रेण श्रीविजयेन परिणीता । त्रिपृष्ठपुत्री ज्योतिःप्रभा महामहोत्सवपूर्वममिततेजःकुमारेण परिणीता ।।
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |