________________
त्रिषष्टिशलाकापुरुषचरित्रम् द्वारकायाम् । कृतस्तत्रार्द्धचक्रित्वाभिषेकः । अन्यदा समवसृतस्तत्रानन्तजिनः। गतौ तौ वन्दितुम् । प्रतिपन्नं द्वाभ्यामपि सम्यक्त्वम् ।।
आसन्नावसानश्च पुरुषोत्तमः शमसंवेगादिकं परित्यज्य क्रुरान्तरात्मा मृत्वा षष्ठिं पृथ्वी प्राप्तवान् । कौमारे वर्षाणां सप्तशती । मण्डलिकत्वे त्रयोदशशती । दिग्जयेऽशीतिः । राज्य एकोनत्रिंशल्लक्षाः सप्तनवतिसहस्राः नवशती विंशतिश्च । एवं पुरुषोत्तमस्य त्रिंशद्वर्षलक्षाः सर्वायुः । सुप्रभोऽपि भ्रातृविरहवैराग्यात् प्रव्रज्य कर्मक्षयाद् मोक्षं प्राप्तवान् । पञ्चपञ्चाशद्वर्षलक्षाः सुप्रभस्य सर्वायुरिति।।
।।समाप्तम्।।
। ।।श्रीधर्मनाथचरित्रम्।।।
लोष्टोऽपि चिन्तितमणिर्दुमकोऽपि कल्पः, शाखी जरत्यपि गवी नवकामधेनुः । यत्राममन्त्रसततस्मृतितो नृणां स्याद्,
देवः कुकर्महतयेऽस्तु स धर्मनाथः ।।१५२।।(वसन्ततिलका) धातकीखण्डे प्राग्विदेहे भरतविजये भद्रिलपुरे दृढरथो राजा प्रजामनुशास्ति। अन्यदा स राजा समयान्तरदृष्टतारुण्यां पलितकलितमौलिमेकां नायिका निरीक्ष्य चिन्तितवान्
यस्याः कान्तितिरोहिते वपुषि न, पापु प्रचारं दृशो, यूनां तैर्बहुमन्यते स्म तदपि, स्वात्मा यदालोकनात् । कन्दर्पोरंगमुक्तकञ्चकनिभान् तान् बिभ्रती मूर्द्धजान्, मूढस्यापि बलादियं नयति मे, चेतो विरक्तिं प्रति ।।१५३।।
(शार्दूलविक्रीडितम्)
Jain Educationa International
For Personal and Private Use Only
www.jainelibrary.org
