________________
९२
त्रिषष्टिशलाकापुरुषचरित्रम्
दिग्जये नवति वर्षाणि । राज्ये वर्षाणामेकोनषष्ठिलक्षाः पञ्चसप्ततिसहस्राः नवशती दशाधिका । षष्ठिवर्षलक्षायुः सर्वायुरिति । भद्रोऽपि भ्रातृविरहवैराग्याद् मुनिचन्द्रमुनिपादान्ते प्रव्रज्य कर्मक्षयाद् मोक्षं गतः । वर्षाणां पञ्चषष्ठिलक्षाणि भद्रस्यायुरिति । ।
।। समाप्तम् ।।
। ।। श्री अनन्तनाथचरित्रम् ॥ ॥
दृष्टेन येन रविणेव तमः समस्त
मस्तं व्रजत्युदयते दिनमङ्गभाजाम् । तस्य प्रशस्यकमलोन्नतिहेतुधाम्नो,
नाम्नः स्मृतिर्जगदनन्तजिनस्य पायात् । । १४८ ।। ( वसन्ततिलका)
धातकीखण्डे प्राग्विदेह ऐरावते विजयेऽरिष्टायां पुर्यां पद्मरथो राजा राज्यं पालयति । एकदा तेन राज्ञा ध्यानधारणादिभिर्देहः स्थिरो भवतीति कौलमार्गानुगामिनः केचिदेवं गलगजिं कुर्वाणाः श्रुताः । ततः प्रवृत्तश्चिन्तयितुम्—
Jain Educationa International
वपुः कारैर्वेदं क इव बहुमानोऽत्र सुधियामध्येऽस्मिन्नात्मस्थितिमतिचिरं कः स्पृहयति । चिराद् वा शीघ्रं वा, भवति यदि कर्मव्यपगमस्तदा सर्वं सिद्धं, सुखमपरथा केवलभवः । । १४९ ।। (शिखरिणी)
अनेनैव प्रवर्द्धमानेन भावेन प्रवर्द्धितवैराग्यः सहसैव राज्यं परित्यज्य चित्तरक्षगुरुपार्श्वे प्रव्रजितः । अर्हद्भक्त्यादिस्थानैस्तीर्थकरनामकर्मोपायं दुष्करं तपस्तप्त्वा समाधिना च मृत्वा प्राणतकल्पे पुष्पोत्तरविमाने देवो जातः ।।
For Personal and Private Use Only
www.jainelibrary.org
