Page Text
________________
त्रिषष्टिशलाकापुरुषचरित्रम्
७९ रिष्टपुरे पुनर्वसुनृपगृहे परमानेन पारणं कृत्वा विजहाराऽन्यत्र । पञ्चदिव्यानि तत्राविर्भूतानि । त्रीणि वर्षाण्यन्यत्र विहत्य पुनः सहस्राम्रवणे प्राप्तस्य वटतले कृतषष्ठस्य पूर्वाह्न पौषकृष्णचतुर्दश्यां पूर्वाषाढायां प्रभोः केवलज्ञानमुत्पन्नम् । समवसरणादिकं च प्राग्वत्। सम्प्राप्ताः शक्रादयः । कृता प्रभुणा देशना
अत्यल्पं मितकालमन्तविरसं, सांसारिकं यत्सुखं, केषाञ्चित्तदपीप्सतामपि मना-ग्मात्रं न सम्पद्यते । नीत्वा केऽपि पुनश्चमत्कृतिकरं, स्वं जन्म सर्वं सुखैरक्लेशेन लभन्त एव सुखितां, स्वर्गेऽपवर्गेऽपि च ।।१३४।।
(शार्दूलविक्रीडितम्) इत्याद्याकर्ण्य प्रतिबुद्धाः प्राणिनो जगृहुव्रतम्, सम्यक्त्वादिकं च प्रपेदिरे । एकाशीतिरानन्दाद्याः स्थापिता गणभृतः । प्रभुतीर्थे ब्रह्मनामा यक्षः । स च त्र्यक्षश्चतुर्मुखः पद्मासनः श्वेतो मातुलिङ्गिमुद्गर्यभयदपाशिदक्षिणचतुर्भुजः नकुलगदाङकुशाक्षसूत्रिवामचतुर्भुजो। अशोका शासनदेवी। सा च मुद्गवर्णा पद्मस्था वरदपाशिदक्षिणद्विभुजा फलाङ्कुशिवामभुजयुगा।।
त्रिवर्षोनपञ्चविंशतिसहस्राः केवलिपर्यायम् । प्रभोश्च सर्वपरिवारे साधूनां लक्षम् । साध्वीनां षडुत्तरं लक्षम् । चतुर्दशपूर्वभृतां चतुर्दशशती । अवधिज्ञानिनां द्वासप्ततिशती । मनःपर्ययिणां साधु सप्तसहस्री । केवलिनां सप्तसहस्री । वैक्रियलब्धिमतां द्वादशसहस्री । वादिनामष्टपञ्चाशच्छती । श्रावकाणां द्विलक्षी नवाशीतिसहस्री च। श्राविकाणां चतुर्लक्षी साष्टपञ्चाशत्सहस्री ।।
आसन्नमोक्षश्च साधुसहस्रेण समं सम्मेताद्रौ गत्वा मासमनशन्यूर्ध्वस्थ एव वैशाखकृष्णद्वितीयायां पूर्वाषाढायां क्षीणाशेषकर्मा प्रभुर्मोक्षसुखैकतानो बभूव। कौमारे पूर्वाणां पञ्चविंशतिसहस्री । राज्ये पञ्चाशत्पूर्वसहस्री । व्रते पञ्चविंशतिसहस्री। एवं पूर्वलक्षं प्रभोः सर्वायुः । सुविधिस्वामिमोक्षात् सागरोपमकोटीषु नवसु गतासु श्रीशीतलस्वामिमोक्षः । मोक्षमहिमा च प्राग्वत् ।।
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |