Page Text
________________
७४
त्रिषष्टिशलाकापुरुषचरित्रम् मासत्रयान्ते पुनरपि सहस्रामवणे समायातस्य पुन्नागतरुतले कृतषष्ठस्य पूर्वाह्न फाल्गुनशुक्लसप्तम्यामनुराधायां घातिकर्मक्षयात् केवलज्ञानमुत्पन्नम् । समवसरणादिकं च प्राग्वत् । सम्प्राप्ताः शक्रादयः । कृता प्रभुणा देशना
विद्यासु विस्मृतिभयं विभवेषु शङ्का, राजादितोऽभ्यवहतिष्वपि भीरजीर्णात् । प्राणेषु दण्डधरकिङ्करतो दरश्च
नातकपड्कमलिनं किमु वाऽड्गभाजाम् ।।१२६ ।। (वसन्ततिलका) इत्याद्याकर्ण्य तबुद्धैः प्रभूतैः प्राणिभिः गृहीतं व्रतम् । प्रतिपन्नं च सम्यक्त्वादिकम् । स्थापितास्त्रिनवतिर्गणभृतः प्रभुणा । प्रभुतीर्थे विजयो यक्षः । स च नीलवर्णो हंसस्थश्चक्रभृदक्षिणबाहुर्मुद्गरिवामभुजः । भ्रुकुटी शासनदेवी। सा च व(म)रालस्था पीतवर्णा खड्गमुद्गरिदक्षिणदोईया फलकपरशुभृद्वामभुजयुगा।
सर्वपरिवारे च प्रभोः साधूनां सार्द्धा द्विलक्षी । साध्वीनां साशीतिसहस्रा लक्षत्रयी । चतुर्दशपूर्विणां द्विसहस्री । अवधिज्ञानिनां मनःपर्ययिणां चाशीतिशती। केवलिनां दशसहस्री । वैक्रियलब्धिमतां चतुर्दशसहस्री । वादिनां सप्तसहस्री षट्शती च। श्रावकाणां सार्द्धा लक्षद्वयी। श्राविकाणां पञ्चलक्षी नवसहस्रन्यूना।।
त्रिमासोनपूर्वलक्षश्चतुर्विंशतिपूर्वाङ्गवर्जितश्च केवलिपर्याय: । आसन्नमोक्षश्च प्रभुर्मुनिसहस्रेण समं सम्मेताद्रौ गत्वा मासिकेनानशनेनोर्ध्व एव भाद्रपदकृष्णसप्तम्यां श्रवणे क्षीणाशेषकर्मा स्वामी मोक्ष प्राप्तवान् । कौमारे सार्द्धा पूर्वलक्षद्वयी । राज्ये सार्द्धा षट्पूर्वलक्षी चतुर्विंशतिपूर्वाङ्गसंयुता च । व्रते चतुर्विंशतिपूर्वाङ्गहीनं पूर्वलक्षम्। एवं दशपूर्वलक्षाः प्रभोः सर्वायुः । सुपार्श्वमोक्षात् सागरोपमकोटीनां नवसु शतेषु गतेषु श्रीचन्द्रप्रभमोक्षः । मोक्षहिमा च प्राग्वत् ।।
जीयाचन्द्र-प्रभजिनपतेः, पातकातङ्कशङ्कापकप्रक्षा-लनघनजलं, चन्द्रगौरं चरित्रम्।
Jain Educationa International
For Personal and Private Use Only
www.jainelibrary.org
| SR No. | 003692 |
| Book Title | Trishashti Shalaka Purush Charitram |
| Original Sutra Author | N/A |
| Author | Jineshchandravijay |
| Publisher | Rander Road Jain Sangh |
| Publication Year | 2008 |
| Total Pages | 234 |
| Language | Sanskrit |
| Classification | Book_Devnagari |
| File Size | 10 MB |