Trishashti Shalaka Purush Charitram

SR No.: 003692
Original Sutra Author: N/A
Author: Jineshchandravijay
Publisher: Rander Road Jain Sangh
Publication Year: 2008
Total Pages: 234
Language: Sanskrit
Classification: Book_Devnagari
File Size: 10 MB

Page 102

त्रिषष्टिशलाकापुरुषचरित्रम्
७३
राजा राज्यं पालयति । स चैकदा बहिर्गच्छन् विभिन्नवहनं सांयात्रिकं वणिजं
विलपन्तं शुश्राव -
गुणा नामाधारः,
सकलजननिस्तारणविधौ,
कृतावेशो योऽसौ शुभफलकयोगेन घटितः । उपक्रान्ता सर्वे-र्यदनुसरणाच्च व्यवसितिः, स मे पोतः पोत- प्रतिकृतिरमज्जत् क्वचिदपि । । १२५ ।। (शिखरिणी)
इत्याद्याकर्णयन्नारूढवैराग्यो राज्यमुत्सृज्य युगन्धरमुनिपार्श्वे प्रव्रजितः । तप्यमानो दुस्तपं तपोऽर्हद्भक्त्यादिस्थानकैस्तीर्थकरनामकर्मोपार्ज्य समाधिना मृत्वा वैजयन्तविमाने देवो जातः ।।
जम्बूद्वीपे भरतक्षेत्रे चन्द्राननायां पुर्यां महासेनो राजा । लक्ष्मणानाम पट्टमहादेवी । पद्मनृपजीवो वैजयन्तविमानाच्युत्वा चैत्रकृष्णपञ्चम्यामनुराधायां लक्ष्मणादेव्याः कुक्षौ चतुर्दशस्वप्नसूचिततीर्थकरजन्माऽवतीर्णः । पौषस्य कृष्णद्वादश्यामनुराधायां शुक्लवर्णश्चन्द्राङ्कः सार्द्धधनुः शतमानो दशपूर्वलक्षायुर्ज्ञानत्रयधरस्तीर्थकरः पुत्रो जातः । जन्मोत्सवश्च प्राग्वत् । कृतः पित्रा पुर्यां महामहोत्सवः । गर्भस्थे प्रभौ मातुश्चन्द्रपानाय दोहदो जातः चन्द्राभश्च प्रभुस्ततश्चन्द्रप्रभ इति कृतं नाम प्रभोः पितृभ्याम् । प्राप्तयौवनश्च राजकन्यायाः कारितः पाणिग्रहणोत्सवम् । जन्मतः सार्द्धे पूर्वलक्षद्वये गतेऽभिषिक्तः प्रभुः पित्रा राज्ये ॥
षट्पूर्वलक्षी सार्द्धां चतुर्विंशतिपूर्वाङ्गयुतां च राज्यं कृत्वा दत्त्वा सांवत्सरिकं दानं कृतषष्ठः शक्रादिकृतनिष्क्रमणोत्सवो राज्ञां सहस्रेण समं सहस्राम्रवणे गत्वा पौषकृष्णत्रयोदश्यामनुराधायामपराह्णे शक्रन्यस्तदेवदूष्यधारी कृतपञ्चमुष्टिककेशोत्पाटः पश्चिमवया मयाऽवद्यं निषिद्धमिति चारित्रं प्रभुः प्रतिपन्नवान् । मन:पर्ययज्ञानं च प्रभोरुत्पन्नम् । शक्रोऽपि प्रभुकेशान् क्षीरोदे क्षिप्त्वा कृत्वा नन्दीश्वरे यात्रां गतः स्वं स्थानम् । प्रभुरपि द्वितीयेऽह्नि पद्मखण्डपुरे सोमदत्तनृपगृहे परमान्नेन पारणं कृत्वाऽन्यत्र विजहार । वसुधारादिकं तत्राविर्बभूव । ।