Chitta Samadhi Jain Yog

SR No.: 003671
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1986
Total Pages: 288
Language: Hindi
Classification: Book_Devnagari
File Size: 10 MB

Page 71

चित्त-समाधि : जैन योग
मणस एगचक्खू, देवे बिचक्खू, तहारूवे समणे वा माहणे वा उप्पण्णणाणदंसणधरे तिचक्खुत्ति वत्तव्वं सिया। ३/४६६ अवधिज्ञान रुक जाता है ____ पंचहिं ठाणेहिं ओहिदसणे समुप्पज्जिउकामेवि तप्पढमयाए खंभाएज्जा, तं जहा
१. अप्पभूतं वा पुढवि पासित्ता तप्पढमयाए खंभाएज्जा। २. कुंथुरासिभूतं वा पुढवि पासित्ता तप्पढमयाए खंभाएज्जा । ३. महतिमहालयं वा महोरगसरीरं पासित्ता तप्पढमयाए खंभाएज्जा । ४. देवं वा महिड्ढियं महज्जुइयं महाणुभागं महायसं महाबलं महासोक्खं पासित्ता
तप्पढमयाए खंभाएज्जा। ५. पुरेसु वा पोराणाइं उरालाई महतिमहालयाई महाणिहाणाइं पहीणसामियाई पहीणसेउयाइं पहीणगुत्तागाराइं उच्छिण्णसामियाई उच्छिण्णसेउयाई उच्छिण्णगुत्तागाराइं जाइं इमाइं गामागर-णगरखेड-कब्बड-मडंब-दोणमुहपट्टणासम-संबाह-सण्णिवेसेसु सिंघाडग-तिग-चउक्क-चच्चर-चउम्मुह-महापहपहेसु णगर-णिद्धमणेसु सुसाण-सुण्णागार-गिरिकंदर-संति-सेलोवट्ठावण-भवणगिहेसु संणिक्खित्ताइं चिट्ठति, ताई वा पासित्ता तप्पढमयाए खंभाएज्जा। इच्चेतेहिं पंचहिं ठाणेहिं प्रोहिदंसणे समुप्पज्जिउकामे तप्पढमयाए खंभाएज्जा ।
पंचहिं ठाणेहिं केवलवरणाणदंसणे समुप्पज्जिउकामे तप्पढमयाए णो खंभाएज्जा तं जहा
१. अप्पभूतं वा पुढवि पासित्ता तप्पढमयाए णो खंभाएज्जा । २. कुंथुरासिभूतं वा पुढवि पासित्ता तप्पढमयाए णो खंभाएज्जा। ३. महतिमहालयं वा महोरगसरीरं पासित्ता तप्पढमयाए णो खंभाएज्जा । ४. देवं वा महिड्ढियं महज्जुइयं महाणुभाग महायसं महाबलं महासोक्खं पासित्ता
तप्पढमयाए णो खंभाएज्जा। ५. पुरेसु वा पोराणाइं उरालाई महतिमहालयाई महाणिहाणाई पहीणसामियाई । पहीणसे उयाइं पहीणगुत्तागाराइं उच्छिण्णसामियाइं उच्छिण्णसेउयाई उच्छिण्णगुत्तागाराइं जाइं इमाइं गामागर-णगरखेड-कब्बड-मडंब-दोणमुहपट्टणासम-संबाह-सण्णिवेसेसु सिंघाडग-तिग-च उक्क-चच्चर-चउम्मुह-महापहपहेसु णगरणिद्धमणेसु सुसाण-सुण्णागार-गिरिकंदर-संति-से लोवट्ठावण-भवणगिहेसु सण्णिक्खित्ताई चिट्ठ ति, ताई वा पासित्ता तप्पढमयाए णो खंभा