________________
भगवई
आठ आत्मा
कतिविहा णं भंते ! आया पण्णत्ता ?
गोयमा ! अट्ठविहा आया पण्णत्ता, तं जहा-दवियाया, कसायाया, जोगाया, उवओगाया, नाणाया, दंसणाया, चरित्ताया, वीरियाया।
भगवई १२१२०० जीव के मध्य प्रदेश और बंध
से किं तं पयोगबंधे ?
पयोगबंधे तिविहे पण्णत्ते, तं जहा-अणादीए वा अपज्जवसिए, सादीए वा अपज्जवसिए, सादीए वा सपज्जवसिए ।
तत्थ णं जे से अणादीए अपज्जवसिए से णं अट्ठण्हं जीवमझपएसाणं, तत्थ वि णं तिण्हं-तिण्हं अणादीए अपज्जवसिए, सेसाणं सादीए । तत्थ णं जे से सादीए अपज्जवसिए से णं सिद्धाणं । तत्थ णं जे से सादीए सपज्जवसिए से णं चउविहे पण्णत्ते, तं जहाआलावणबंधे, अल्लियावणबंधे, सरीरबंधे, सरीरप्पयोगबंधे ।
८।३५४ कति णं भंते ! जीवत्थिकायस्स मज्झपदेसा पण्णत्ता ? गोयमा ! अट्ठ जीवत्थिकायस्स मज्झपदेसा पण्णत्ता।
२५।२४३ एए णं भंते ! अट्ठ जीवत्थिकायस्स मज्झपदेसा कतिसु आगासपदेसेसु ओगाहंति ? गोयमा ! जहण्णेणं एक्कंसि वा दोहिं वा तीहिं वा चहि वा पंचहिं वा छट्टि वा, उक्कोसेणं अट्ठसु, नो चेव णं सत्तसु ।
२५।२४४ आत्मा और शरीर
आया भंते ! काये ? अण्णे काये । गोयमा ! आया वि काये, अण्णे वि काये । रूविं भंते ! काये ? अरूवि काये ? गोयमा ! रूवि पि काये, अरूवि पि काये । सचित्ते भंते ! काये ? अचित्ते काये ? गोयमा ! सचित्ते वि काये, अचित्ते वि काये । जीवे भंते ! काये ? अजीवे काये ? गोयमा ! जीवे वि काये, अजीवे वि काये । जीवाणं भंते ! काये ? अजीवाणं काये ? गोयमा ! जीवाण वि काये, अजीवाण वि काये ।
Jain Education International
For Private & Personal Use Only
www.jainelibrary.org
