________________
२४८
चित्त-समाधि : जैन योग पुवि भंते ! काये ? कायिज्जमाणे काये ? कायसमयवीतिक्कते काये ? गोयमा ! पुवि पि काये, कायिज्जमाणे वि काये, कायसमयवीतिक्कते वि काये ।
पुवि भंते ! काये भिज्जति ? कायिज्जमाणे काये भिज्जति? कायसमयवीतिक्कते काये भिज्जति ?
गोयमा ! पुवि पि काये भिज्जति, कायिज्जमाणे वि काये भिज्जति, कायसमयवीतिक्कते वि काये भिज्जति ।
१३।१२८ कतिविहे णं भंते ! काये पण्णत्ते ?
गोयमा ! सत्तविहे काये पण्णत्ते, तं जहा-ओरालिए, ओरालियमीसए, वे उव्विए, वेउव्वियमीसए, आहारए, आहारगमीसए, कम्मए ।
१३११२६ आत्मा और भाषा
रायगिहे जाव एवं वयासी-आया भंते ! भासा ? अण्णा भासा ? गोयमा ! नो आया भासा, अण्णा भासा । रूवि भंते ! भासा ? अरूवि भासा ? गोयमा ! रूवि भासा, नो अरूवि भासा । सचित्ता भंते ! भासा? अचित्ता भासा ? गोयमा ! नो सचित्ता भासा, अचित्ता भासा । जीवा भंते ! भासा ? अजीवा भासा ? गोयमा ! नो जीवा भासा, अजीवा भासा । जीवाणं भंते ! भासा ? अजीवाणं भासा ? गोयमा ! जीवाणं भासा, नो अजीवाणं भासा । पुव्वि भंते ! भासा ? भासिज्जमाणी भासा ? भासासमयवीतिक्कता भासा ?
गोयमा ! नो पुवि भासा, भासिज्जमाणी भासा, नो भासासमयवीतिक्कंता भासा ।
वि भंते ! भासा भिज्जति ? भासिज्जमाणी भासा भिज्जति ? भासासमयवीतिक्कता भासा भिज्जति ?
गोयमा ! नो पुवि भासा भिज्जति, भासिज्जमाणी भासा भिज्जति, नो भासासमयवीतिक्कता भासा भिज्जति ।
१३।१२४ आत्मा और मन
आया भंते ! मणे ? अण्णे मणे ? गोयमा ! नो आया मणे, अण्णे मणे । रूवि भंते ! मणे ? अरूवि मणे ? गोयमा ! रूवि मणे, नो अरूवि मणे । सचित्ते भंते ! मणे ? अचित्ते मणे ? गोयमा ! नो सचित्ते मणे अचित्ते मणे ।
Jain Education International
For Private & Personal Use Only
www.jainelibrary.org
