________________
१८८
चित्त-समाधि : जैन योग ६४. सम्माइट्ठी सावय धम्म जिणदेवदेसियं कुणदि ।
विवरीयं कुव्वंतो मिच्छादिट्ठी मुणेयव्वो ॥ ६५. मिच्छादिट्ठी जो सो संसारे संसरेइ सुहरहियो ।
जम्मजरमरणपउरे दुक्खसहस्साउले जीवो॥ ६६. सम्म गुण मिच्छ दोसो मणेण परिभाविऊण तं कुणसु ।
जं ते मणस्स रुच्चइ किं बहुणा पलविएणं तु॥ ६७. बाहिरसंगविमुक्को ण वि मुक्को मिच्छभाव णिग्गंथो ।
किं तस्स ठाणमउणं ण वि जाणदि अप्पसमभावं ।। १८. मूलगुणं छित्तण य बाहिरकम्मं करेइ जो साह ।
सो लहइ सिद्धिसुहं जिणलिंगविराहगो णियदं ॥ ६६. किं काहिदि बहिकम्मं किं काहिदि बहुविहं च खवणं तु।
किं काहिदि आदावं आदसहावस्स विवरीदो।। १००. जदि पढदि बहु सुदाणि य ज दि काहिदि बहुविहं च चारित्तं ।
तं बालसुदं चरणं हवेइ अप्पस्स विवरीदं ॥ १०१. वेरग्गपरो साहू परदव्वपरम्मुहो य जो होदि ।
संसारसुहविरत्तो सगसुद्धसुहेसु अणुरत्तो।। १०३. गुणगणविहूसियंगो हेयोपादेयणिच्छिदो साहू ।
झाणज्झयणे सुरदो सो पावइ उत्तमं ठाणं ।। १०३. णविएहिं जं णविज्जइझाइज्जइ झाइएहि अणवरयं ।
थुव्वंतेहिं थुणिज्जइ देहत्थं किं पि तं मुणह ॥ १०४. अरुहा सिद्धायरिया उज्झाया साहु पंच परमेट्ठी ।
ते वि हु चिट्ठहि ादे तम्हा प्रादा हु मे सरणं ।। १०५. सम्मत्तं सण्णाणं सच्चारितं हि सत्तवं चेव ।
चउरो चिट्ठहि आदे तम्हा प्रादा हु मे सरणं ।। १०६. एवं जिणपण्णत्तं मोक्खस्स य पाहुडं सुभत्तीए ।
जो पढइ सुणइ भावइ सो पावइ सासयं सोक्खं ।।
Jain Education International
For Private & Personal Use Only
www.jainelibrary.org
