________________
समयसार
प्रथम-अधिकार १. वंदितु सव्वसिद्धे धुवमचलमणोवमं गई पत्ते ।
वोच्छामि समयपाहुडमिणमो सुय केवलीभणियं ।। २. जोवो चरित्तदंसणणाण ट्ठिउ तं हि ससमयं जाण ।
पुग्गलकम्मपदेसट्ठियं च तं जाण परसमयं ॥ ३. एयत्तणिच्छयगमो समग्रो सव्वत्थ सुन्दरो लोए ।
बंधकहा एयत्ते तेण विसंवादिणी होइ॥ ४. सुदपरिचिदाणुभूदा सव्वस्स वि कामभोगबंधकहा। __ एयत्तस्सुवलंभो णवरि ण सुलहो विहत्तस्स ।। ५. तं एयत्तविहत्तं दाएहं अप्पणो सविहवेण ।
जदि दाएज्ज पमाणं चुक्किज्ज छलं ण घेतव्वं ॥ ६. णवि होदि अप्पमत्तो ण पमत्तो जाणो दु जो भावो । ____ एवं भणंति सुद्धं णाप्रो जो सो उ सो चेव ।। ७. ववहारेणुवदिस्सइ णाणिस्स चरित्तदंसणं णाणं ।
णवि णाणं ण चरित्तं ण दंसणं जाणगो सुद्धो । ८. जह णवि सक्कमणज्जो अणज्जभासं विणा उ गाहेउं ।
तह ववहारेण विणा परमत्थुवएसणमसक्कं ।। ९. जो हि सुएणहिगच्छइ अप्पाणमिणं तु केवलं सुद्धं ।
तं सुयकेवलिमिसिणो भणंति लोयप्पईवयरा ।। १०. जो सुयणाणं सव्वं जाणइ सुयकेवलि तमाहु जिणा ।
णाणं अप्पा सव्वं जम्हा सुयकेवली तम्हा ।। ११. ववहारोऽभूयत्थो भूयत्थो देसिदो दु सुद्धणयो ।
भूयत्थमस्सिदो खलु सम्माइट्ठी हवइ जीवो ।। १२. सुद्धो सुद्धादेसो णायन्वो परमभावदरिसीहिं ।
ववहारदेसिदा पुण जे दु अपरमे ट्ठिदा भावे । १३. भूयत्थेणाभिगदा जीवाजोवा य पुण्णपावं च ।
पासवसंवरणिज्जरबंधो मोक्खो य सम्मत्तं ।।
Jain Education International
For Private & Personal Use Only
www.jainelibrary.org
