________________
१८७
मोक्खपाहुड ७८. जे पावमोहियमई लिंगं घेत्तण जिणवरिंदाणं ।
पावं कुणंति पावा ते चत्ता मोक्खमग्गम्मि ।। ७६. जे पंचचेलसत्ता गंथग्गाही य जायणासीला ।
प्राधाकम्मम्मि रया ते चत्ता मोक्खमग्गम्मि । ८०. णिग्गंथमोहमुक्का वावीसपरीसहा जियकसाया ।
पावारंभविमुक्का ते गहिया मोक्खमग्गम्मि । ८१. उद्धद्धमज्झलोये केई मज्झं ण अहयमेगागी ।
इय भावणाए जोई पावंति हु सासयं सोक्खं । ८२. देवगुरूणं भत्ता णिव्वेयपरंपरा विचितिता ।
झाणरया सुचरित्ता ते गहिया मोक्खमग्गम्मि । ८३. णिच्छयणयस्स एवं अप्पा अप्पम्मि अप्पणे सुरदो ।
सो होदि हु सुचरित्तो जोई सो लहइ णि व्वाणं ।। ८४. पुरिसायारो अप्पा जोई वरणाणदंसणसमग्गो ।
जो झायदि सो जोई पावहरो हवदि णिइंदो ।। ८५. एवं जिणेहि कहियं सवणाणं सावयाण पुण सुणसु ।
संसारविणासयरं सिद्धियरं कारणं परमं । ८६. गहिऊण य सम्मत्तं सुणिम्मलं सुरगिरीव णिक्कंपं ।
तं झाणे झाइज्जइ सावय दुक्खक्खयट्ठाए । ८७. सम्मत्तं जो झायइ सम्माइट्ठी हवेइ सो जीवो ।
सम्मत्तपरिणदो उण खवेहि दुट्ठट्ठकम्माणि ।। ८८. किं बहुणा भणिएणं जे सिद्धा णरवरा गए काले ।
सिज्झिहहि जे वि भविया तं जाणह सम्ममाहप्पं ।। ८६. ते धण्णा सुकयत्था ते सूरा ते वि पंडिया मणुया ।
सम्मत्त सिद्धियरं सिविणे वि ण मइलियं जेहिं ।। ६०. हिंसारहिए धम्मे अट्ठारहदोसवज्जिए देवे ।
णिग्गंथे पव्वयणे सद्दहणं होइ सम्मत्त ।। ६१. जहजायरूवरूवं सुसंजयं सव्वसंगपरिचत्त ।
लिंगं ण परावेक्खं जो मण्णइ तस्स सम्मत्त । ६२. कुच्छियदेवं धम्म कुच्छिलिंगं च वंदए जो दु ।
लज्जाभयगारवदो मिच्छादिट्ठो हवे सो हु॥ ६३. सपरावेक्खं लिंगं राई देवं असंजयं वन्दे ।
मण्णइ मिच्छादिट्ठी ण हु मण्णइ सुद्धसम्मत्तो ।
Jain Education International
For Private & Personal Use Only
www.jainelibrary.org
