________________
१८६
चित्त-समाधि : जेन योग ६२. सुहेण भाविदं णाणं दुहे जादे विणस्सदि ।
तम्हा जहाबलं जोई अप्पा दुक्खेहि भावए । ६३. अाहारासणणिद्दाजयं च काऊण जिणवरमएण ।
झायव्बो णियअप्पा णाऊणं गुरुपसाएण ।। ६४. अप्पा चरित्तवंतो दंसणणाणेण संजुदो अप्पा ।
सो झायव्वो णिच्चं णाऊणं गुरुपसाएण ॥ ६५. दुक्खे णज्जइ अप्पा अप्पा णाऊण भावणा दुक्खं ।
भावियसहावपुरिसो विसयेसु विरच्चए दुक्खं ।। ६६. ताम ण णज्जइ अप्पा विसएसु णरो पवट्टए जाम ।
विसए विरत्तचित्तो जोई जाणेइ अप्पाणं ।। ६७. अप्पा णाऊण णरा केई सब्भोवभावपब्भट्टा ।
हिंडंति चाउरंग विसएसु विमोहिया मूढा ।। ६८. जे पुण विसयविरत्ता अप्पा णाऊण भावणासहिया ।
छंडंति चाउरंगं तवगुणजुत्ता ण संदेहो ।। ६६. परमाणुपमाणं वा परदव्वे रदि हवेदि मोहादो ।
सो मूढो अण्णाणी प्रादसहावस्स विवरीयो । ७०. अप्पा झायंताणं दंसणसुद्धीण दिढचरित्ताणं ।
होदि धुवं णिव्वाणं विसएसु विरत्तचित्ताणं ।। ७१. जेण रागो परे दव्वे संसारस्स हि कारणं ।
तेणावि जोइणो णिच्चं कुज्जा अप्पे सभावणं ।। ७२. जिंदाए य पसंसाए दुक्खे य सुहएसु य ।
सत्तूणं चेव बंधूणं चारित्त समभावदो॥ ७३. चरियावरिया वदसमिदिवज्जिया सुद्धभावपब्भट्टा ।
केई जंपंति णरा ण हु कालो झाणजोयस्स ।। ७४. सम्मत्तणाणरहियो अभव्वजीवो हु मोक्खपरिमुक्को ।
संसारसुहे सुरदो ण हु कालो भणइ झाणस्स ।। ७५. पंचसु महव्वदेसु य पंचसु समिदीसु तीसु गुत्तीसु ।
जो मूढो अण्णाणी ण हु कालो भणइ झाणस्स ।। ७६. भरहे दुस्समकाले धम्मज्झाणं हवेइ साहुस्स ।
तं अप्पसहावठिदे ण हु मण्णइ सो वि अण्णाणी ॥ ७७. अज्ज वि तिरयणसुद्धा अप्पा झाएवि लहहिं इंदत्तं । ___ लोयंतियदेवत्तं तत्थ चुना णिव्वुदि जंति ।।
Jain Education International
For Private & Personal Use Only
www.jainelibrary.org
