________________
१८५
मोक्खपाहुड ४६. विसयकसायेहि जुदो रुद्दो परमप्पभावरहियमणो।
सो ण लहइ सिद्धिसुहं जिणमुद्दपरम्मुहो जीवो॥ ४७. जिणमुदं सिद्धिसुहं हवेइ णियमेण जिणवरुद्दिठें ।
सिविणे वि ण रुच्चइ पुण जीवा अच्छंति भवगहणे ॥ ४८. परमप्पय झायंतो जोई मुच्चेइ मलदलोहेण ।
णादियदि णवं कम्मं णिठ्ठि जिणवरिंदेहि ॥ ४६. होऊण दिढचरित्तो दिढसम्मत्तेण भावियमईयो।
झायंतो अप्पाणं परमपयं पावए जोई। ५०. चरणं हवइ सधम्मो धम्मो सो हवइ अप्पसमभावो ।
सो रागरोसरहिनो जीवस्स अणण्णपरिणामो । ५१. जह फलिहमणि विसुद्धो परदव्वजुदो हवेइ अण्णं सो ।
तह रागादिविजुत्तो जीवो हवदि हु अणण्णविहो ।। ५२. देवगुरुम्मि य भत्तो साहम्मियसंजदेसु अणुरत्तो ।
सम्मत्तमुब्वहंतो माणरओ होदि जोई सो॥ ५३. उग्गतवेणण्णाणी जं कम्म खवदि भवहि बहुएहिं ।
तं पाणी तिहि गुत्तो खवेइ अंतोमुहुत्तेण ॥ ५४. सुहजोएण सुभावं परदव्वे कुणइ रागदो साहू ।
सो तेण दु अण्णाणी गाणी एत्तो दु विवरीयो । ५५. पासवहेदू य तहा भावं मोक्खस्स कारणं हवदि ।
सो तेण दु अण्णाणी पादसहावा दु विवरीदु॥ ५६. जो कम्मजादमइनो सहावणाणस्स खंडदूसयरो ।
सो तेण दु अण्णाणी जिणसासणदूसगो भणिदो॥ ५७. णाणं चरित्तहीणं दंसणहीणं तवेहिं संजुत्तं ।
अण्णेसु भावरहियं लिंगग्गहणेण किं सोक्खं ॥ ५८. अच्चेयणं पि चेदा जो मण्णइ सो हवेइ अण्णाणी ।
सो पुण णाणी भणियो जो मण्णइ चेयणे चेदा ॥ ५६. तवरहियं जं णाणं णाणविजुत्तो तवो वि अकयत्थो ।
तम्हा णाणतवेणं संजुत्तो लहइ णिव्वाणं । ६०. धवसिद्धी तित्थयरो चउणाणजुदो करेइतवयरणं । __णाऊण धुवं कुज्जा तवयरणं णाणजुत्तो वि ॥ ६१. बाहिरलिंगेण जुदो अभंतरलिंगरहियपरियम्मो । ___सो सगचरित्तभट्ठो मोक्खपहविणासगो साहू ॥
Jain Education International
For Private & Personal Use Only
www.jainelibrary.org
