________________
हरिवंशपुराणं ।
१३
द्वितीयः सर्गः ।
पद्मरागमणिस्फीतिर्यत्र प्रासादमूर्धनि । इनपादपरिष्वंगा दंगने वातिरज्यते ॥ ९ ॥ मुक्तामरकतालोकैर्वज्रवैदूर्यविभ्रमैः । एकमेव सदा धत्ते यत्समस्ताकरश्रियं || १० || शालशैलमहाचप्रपरिखापरिवेषिणः । यस्योपरि परं गच्छत्यामित्रेर्तेरमंडलं || ११ | एतावतैव पर्याप्तं पुरस्य गुणवर्णनं । स्वर्गावतरणे तद्यद्वीरस्याधरतां गतं ।। १२ ।। सर्वार्थश्रीमतीजन्मा तस्मिन् सर्वार्थदर्शनः । सिद्धार्थोऽभवदर्का भो भूपःसिद्धार्थपौरुषः ।। १३ ।। यत्र पाति धरित्रीयमभूदेकत्रदोषिणी । धर्मार्थिन्योऽपि यत्यक्तपरलोकभयाः प्रजाः ॥ १४ ॥ कस्तस्य तान् गुणानुद्यान्नरस्तुलयितुं क्षमः । वर्धमानगुरुत्वं यः प्रापितः स नराधिपः ।। १५ ।। उच्चैःकुलाद्रिसंभूता सहजस्नेहवाहिनी । महिषी श्रीसमुद्रस्य तस्यासीत् प्रियकारिणी ॥ १६ ॥ चेतश्चेकराजस्य यास्ताः सप्तशरीरजाः । अतिस्नेहाकुलं चक्रुस्तास्वाद्या प्रियकारिणी ॥ १७ ॥ कस्तां योजयितुं शक्तस्त्रिशलां गुणवर्णनैः । या स्वपुण्यैर्महावीरप्रसवाय नियोजिता ॥ १८ ॥ सर्वतोऽथनमंतीषु सर्वासु सुरकोटिषु । प्रभावान्निपतंतीषु नभसो वसुवृष्टिषु ॥ १९ ॥ वीरेऽवतरति त्रातुं धरित्रीमसुधारिणः । तीर्थेनाच्युतकल्पोच्चैः पुष्पोत्तर विमानतः ॥ २० ॥
१ सूर्यकिरण । २ सूर्यमंडलं ।
Jain Education International
For Private & Personal Use Only
www.jainelibrary.org
