________________
हरिवंशपुराणं ।
३३१
द्वाविंशतितमः सर्गः ।
इत्यन्योन्यस्वरूपज्ञा रूपविज्ञानसागराः । त्रिवर्गानुभवप्रीता चारुदत्तादयः स्थिताः ॥ १८५ ॥ क्षणार्थोऽपि पयोधिमप्यधिगतः कूपावतीर्णोऽप्यतो
दुर्लघ्येऽपि च संचरन् गिरितटे द्वीपांतरे वा पुमान्, लक्ष्मी धर्मसखः प्रयाति निखिलां पापव्यपायाद्यत -
स्त जिनबोधितं बुधजनाश्चिन्वंतु चिंतामणि ॥ ९८६ ॥
इति अरिष्टनेमिपुराणसंग्रहे हरिवंशे जिनसेनाचार्यकृता चारुदत्तचरितवर्णनो नाम एकविंशतितमः सर्गः ।
द्वाविंशतितमः सर्गः
चंपायां रममाणस्य सह गांधर्वसेनया । वसुदेवस्य संप्राप्तः फाल्गुनाष्टदिनोत्सवः ॥ १ ॥ देवा नंदीश्वरं द्वीपं खेचरा मंदरादिकं । यांति वंदारवः स्थानमानंदं दधतस्तदा || २ || जन्मनिष्क्रमण ज्ञाननिर्वाणप्राप्तितोऽर्हतः । वासुपूज्यस्य पूज्यां तां चंपां प्रापुः स्फुरद्गृहां ॥ ३ ॥ आगच्छति तदा कर्तु जिनेंद्रमहिमोत्सवं । सर्वतः पुत्रदाराद्यैर्भूचराश्च नभश्वराः || ४ | चंपावासी जनः सर्वो निश्चक्राम सराजकः । प्रतिमां वासुपूज्यस्य पूज्यां पूजयितुं वहिः ।। ५ ।।
Jain Education International
For Private & Personal Use Only
www.jainelibrary.org
