________________
पद्मपुराणम् ।
एकत्रिंशत्तम पर्व । पश्य सीता कथं याति नाथेनानुमोदिता । अस्या सुविहितं सर्व पतिभ्राता करिष्यति ॥२०७॥ अहो परमधन्येयं जानकी रूपशालिनी । विनयांशुकसंवीता भतोरं यानुगच्छति ॥२०८॥ अस्माकमपि नारीणामेषैव भवताद्गतिः । उदाहरणभूतेयं भर्तृदेवतयोषिताम् ॥ २०९ ॥ पश्य मातरमुज्झित्वा नेत्रांबुप्लाविताननां । एष लक्ष्मीधरो गंतुमुद्युक्तो ज्यायसा समं ॥२१०॥ अहो प्रीतिरहो भक्तिरहो शक्तिरहो क्षमा । अहो विनयसंभारः श्रीमतोऽस्य विराजते ॥२१॥ भरतस्य किमाकूतं कृतं दशरथेन किं । रामलक्ष्मणयोरेषा का मनीषा व्यवस्थिता ॥ २१२ ॥ कालः कर्मेश्वरो दैवं स्वभावः पुरुषः क्रिया । नियतिर्वा करोत्येवं विचित्रकसमीहितं ॥२१३ ॥ वर्ततेनुचितं वाढं क गता स्थानदेवताः । एवमादिस्तदा जज्ञे ध्वनिर्जनसमूहतः ॥ २१४ ॥ कुमाराभ्यां समं गंतुमुत्सुके सकले जने । पुरी शून्यगृहा जाता नष्टाशेषसमुत्सवा ॥ २१५ ॥ पुष्पप्रकरसंपूर्णाः समस्ता द्वारभूमयः । पिच्छलत्वं समानीताः शोकपूर्णाजनानुभिः ॥२१६ ॥ जनस्योत्सायमाणस्य विरूपिण्यो नरोत्तमैः । वीचयः सागरस्येव विक्षोभ्यते महानिलैः ॥२१७॥ भक्तिभिः पूज्यमानोऽपि संभाषणसमुद्यतः । दाक्षिण्यपरमः पद्मो मेने विघ्नं पदे पदे ॥२१८ ॥ प्रसक्त इव तं दृष्टुमसमंजसमीदृशं । मंद मंदांशुसंघातो रविरस्तमुपागमत् ॥ २१९ ॥
Jain Education International
For Private & Personal Use Only
www.jainelibrary.org
