________________
पद्मपुराणम् ।
त्रिंशत्तमापर्व । अद्भुतैर्जिनमूर्धानो जातरोमोगमा भृशं । आनंदवाष्पलोलाक्षा सभायामभवञ्जनाः ॥ १३७ ॥ उद्गीर्णमाननेनेव प्रीत्या तं वीक्ष्य सोदरं । मृगीव रुदती स्नेहाद्दधावोद्धृतबाहुकाः ॥ १३८ । हा भ्रातः प्रथम दृष्टो मयाद्यासीतिशब्दिनी । तमाश्लिष्य चिरं सीता रुदित्वा धृतिमागता ।। संभाषितः स रामेण संभ्रमालिंगितश्चिरं । लक्ष्मणेन तथान्येन बंधुलोकेन सादरं ॥ १४० ॥ नमस्कृत्य मुनि श्रेष्ठं ततः खेचरभूचराः । उद्यानात्ममदापूर्णा निरीयुः सुविराजिताः॥ १४१॥ भामंडलेन संमंत्र्य द्रुतं दशरथो ददौ । लेख जनकराजस्य नीतं गगनयायिना ॥ १४२ ॥ प्रेषितं भानुमार्गेण तस्य हंसधृतं वरं । यानं विद्याधरैवीरभूरिभिः परिवारितं ॥ १४३ ॥ प्रभामंडलमादाय ततो भूत्यातिकांतया । तुष्टो दशरथोऽयोध्यां सुत्रामसदृशोऽविशत् ॥ १४४ ॥ अक्षीणसर्वकोशोसावुपचारं परं नृपः । प्रीतो भामंडले चक्रे सर्वलोकसमन्वितः ॥ १४५ ॥ रम्ये सुविपुले तुंगे वाप्युद्यानविभूषिते । गृहे दशरथोद्दिष्टे तस्थौ भामंडलः सुखं ।। १४६ ॥ दारिद्रयान्मोचितो लोकः परमोत्सवजन्मना । दानेन वांछिताधिक्यं प्राप्तेन धरणीतले ॥१४॥ गत्वा पवनवेगेन जनको लेखहारिणा । सहसा वर्द्धितो दिष्टया पुत्रागमनजन्मना ॥ १४८ ॥ प्रवाच्य चार्पित लेखं सुदृढ़ः प्रत्ययः परं । प्रमोदं जनकः प्राप रोमांचार्चितविग्रहः ॥ १४९ ॥
Jain Education International
For Private & Personal Use Only
www.jainelibrary.org
