________________
पद्मपुराणम्।
चतुःषष्टितम पर्व।
यावन्तः केचिदन्ये तु समरादनिवर्तिनः । ते स्थिता दक्षिणामाशां व्याप्य वानरकेतवः ॥३८॥
एवं प्रयत्नाः कृतयोग्यरक्षाः संदेहिनो लक्ष्मणजीवयोगे।
सविस्मयाः सोरुशुचः समानाः स्थिताः समस्ता गगनायनेशाः ।। ३९ ।। न तन्नरा नो ययवो न नागा न चापि देवा विनिवारयन्ति ।
यदात्मना संजनितस्य लभ्य-फलं नृणां कर्मरवेः प्रकाशम् ॥ ४० ॥ इत्यार्षे श्रीरविषेणाचार्यप्रोक्ते पद्मपुराणे शक्तिभेदरामविलापाभिधानं नाम त्रिषष्टितमं पर्व ॥ ६३ ॥
अथ चतुःषष्टितमं पर्व। नियतं मरणं ज्ञात्वा लक्ष्मणस्य दशाननः । पुत्रभ्रातृवधं बुद्धौ चकारात्यन्त दुःखितः ॥१॥ हा भ्रातः परमोदार ममात्यन्तहितोद्यतः । कथमेतामवाप्नोसि बंधावस्थामसंगताम् ॥२॥ हा पुत्रौ सुमहावीर्यों भुजाविव दृढौ मम । विधेनियोगतः प्राप्तौ भवतौ बंधनं नवम् ॥ ३॥ किं करिष्यति वः शत्रुरित्याकुलितमानसः । न वेनि दुरितात्माहं विरसं वा करिष्यति ॥४॥
Jain Education International
For Private & Personal Use Only
www.jainelibrary.org
